قوستاناي قالاسىندا فۋتبولدان قر سۋپەركۋبوگىنىڭ فينالى اياقتالدى, دەپ حابارلايدى "ۇلت اقپارات".
ويىندى ەلوردالىق كوماندا شيراق باستادى. تيگران بارسەگيان مەن مارين توماسوۆ قوس قاپتالدان شابۋىلداپ, «قايسار» قاقپاشىسىن ەبدەن مازالادى. قىزىلوردالىق ۇجىم قارىمتا شابۋىلدارمەن وينادى. بٸرٸنشٸ تايمنىڭ اياقتالۋىنا بەس مينۋت قالعاندا «استانا» ەسەپ اشتى. رۋنار سيگۋرونسسوننىڭ ايىپ الاڭىنا اسىرعان پاسىن شابۋىلشى پيەروس سوتيريۋ قاجەتٸنە جاراتتى. الدا – «استانا.
«قايسار» ەكٸنشٸ تايمدا تارازى باسىن تەڭەستٸرۋگە بٸرنەشە مٷمكٸندٸك الدى. الايدا فۋتبولشىلارعا بٸردە سەتتٸلٸك, ەندٸ بٸردە دەلدٸك جەتٸسپەي جاتتى. استانالىق قورعاۋشىلار قارسىلاستاردىڭ شابۋىلىنا لايىقتى جاۋاپ بەردٸ.
وسىلايشا, «استانا» بيىلعى ەل سۋپەركۋبوگىنىڭ يەگەرٸ اتاندى.
