بٷگٸن فۋتبولدان پرەمەر-ليگا كوماندالارى اراسىندا قازاقستان چەمپيوناتىنىڭ 20-تۋرىندا ەلوردالىق «استانا» قىزىلوردالىق «قايساردان» باسىم تٷستٸ, دەپ حابارلايدى "ۇلت اقپارات".
ەستەرٸڭٸزگە سالا كەتەلٸك, بۇدان بۇرىن «استانا» قاتارىنان تٶرت ويىندا جەڭٸسكە جەتە الماي كەلە جاتقان بولاتىن. سول سەتسٸزدٸكتەر سەريياسىن بٷگٸن توقتاتتى.
ويىننىڭ 25-مينۋتىندا ەلوردالىق مارين توماسوۆ ەسەپ اشسا, وعان 31-مينۋتتا قىزىلوردالىق ماكسيم فەدين بٸر گولمەن جاۋاپ قايىردى.
ەكٸنشٸ كەزەڭدە پيەروس سوتيريۋ ەكٸ مەرتە مەرگەندٸگٸمەن كٶزگە تٷستٸ. الدىمەن 61-مينۋتتا گول سوقسا, 73-مينۋتتا ەسەپتٸ ٷستەمەلەي تٷستٸ. وسىلايشا «استانا» قارسىلاسىن 3:1 ەسەبٸمەن تٸزە بٷكتٸردٸ.
بٷگٸنگٸ جەڭٸسٸنەن كەيٸن ەلوردالىق كلۋب 27 ۇپايمەن ٷشٸنشٸ ورىنعا كٶتەرٸلدٸ.
اتالعان تۋردا بٷگٸن تاعى تٶرت ويىن ٶتكٸزٸلەدٸ. قازٸر بٸرٸنشٸ كەزەڭنەن كەيٸن «قىزىلجار» مەن «ورداباسى» 0:0 ەسەبٸمەن تەڭ تٷسٸپ جاتسا, «تاراز» «كاسپييدەن» 0:1 ەسەبٸمەن جەڭٸلٸپ جاتىر. ال «شاحتەر» مەن «جەتٸسۋ», «وقجەتپەس» پەن «توبىل» اراسىنداعى ويىندار ەلوردا ۋاقىتىمەن 18:00-دە باستالادى.
