بٷگٸن ەلوردالىق «استانا» تٷركيياداعى وقۋ-جاتتىعۋ جيىنى بارىسىندا رەسەيدٸڭ «ارسەنال» (تۋلا) كومانداسىمەن جولداستىق كەزدەسۋ ٶتكٸزدٸ, دەپ حابارلايدى "ۇلت اقپارات".
ويىن 1:1 ەسەبٸمەن اياقتالدى. كەزدەسۋدٸڭ جەتٸنشٸ مينۋتىندا «استانا» ساپىنا جاقىندا قوسىلعان كيپرلٸك فۋتبولشى پيەروس يسلاندييالىق جارتىلاي قورعاۋشى رۋنار مار سيگۋرونسسونعا ەدەمٸ پاس شىعارىپ بەردٸ. وعان رەسەيلٸك كوماندا 28-مينۋتتا جاۋاپ گولىن سوعىپ كەتتٸ.
«ارسەنال» كلۋبى قازٸر رەسەي پرەمەر-ليگاسىندا قىسقى ٷزٸلٸستەن كەيٸن 19 ويىندا 25 ۇپاي جيناپ, تۋرنير كەستەسٸندە التىنشى ورىندا كەلەدٸ. ال «استانا» 29 اقپاندا قوستاناي قالاسىندا قازاقستان سۋپەركۋبوگىندا قىزىلوردانىڭ «قايسار» كومانداسىمەن كەزدەسەدٸ.
بۇدان بۇرىن «قايرات» رەسەيدٸڭ «رۋبين» كلۋبىنان باسىم تٷسكەنٸن حابارلاعان ەدٸك.
