فۋتبولدان انگلييا كۋبوگى فينالىندا سىنعا تٷسەتٸن كوماندالار انىقتالدى, دەپ حابارلايدى "ۇلت اقپارات".
فينالدا ەل استاناسى - لوندون قالاسىنىڭ قوس كومانداسى «ارسەنال» مەن «چەلسي» كەزدەسەدٸ. ويىن 1 تامىزدا «Wembley» ستاديونىندا بولادى.
جارتىلاي فينالدا «ارسەنال» ٶز الاڭىندا «مانچەستەر سيتي» كومانداسىن 2:0 ەسەبٸمەن سٷرٸندٸردٸ. ويىندا لوندوندىق كلۋبتىڭ شابۋىلشىسى پەر-ەمەريك وبامەيانگ 19, 71 مينۋتتاردا قوس گولدىڭ اۆتورى اتاندى. ول ٶز كومانداسىن فينالعا الىپ شىقتى.
ال بٷگٸن «مانچەستەر يۋنايتەد» ٶز الاڭىندا «چەلسي» كومانداسىنا 1:3 ەسەبٸمەن جول بەردٸ. كەزدەسۋدە لوندوندىق كلۋب ساپىنان وليۆە جيرۋ 45, مەيسون ماۋنت 46, گارري ماگۋاير 74-مينۋتتاردا گول سوقسا, وعان الاڭ يەلەرٸ ساپىنان برۋنۋ فەرناندەش 85-مينۋتتا جالعىز گولمەن جاۋاپ قايىردى.
«ارسەنال» انگلييا كۋبوگىندا 13 دٷركٸن چەمپيون اتاندى. سوڭعىسى - 2017 جىلى. سونداي-اق, 7 رەت فينالعا شىققان بولاتىن.
ال «چەلسي» اتالمىش جارىستا 8 مەرتە جەڭٸمپاز بولدى. كۋبوكقا ولار سوڭعى رەت 2018 جىلى قول جەتكٸزدٸ.
