Fýtboldan Angliia kýbogy finalynda synǵa túsetin komandalar anyqtaldy, dep habarlaidy "Ult aqparat".
Finalda el astanasy - London qalasynyń qos komandasy «Arsenal» men «Chelsi» kezdesedi. Oiyn 1 tamyzda «Wembley» stadionynda bolady.
Jartylai finalda «Arsenal» óz alańynda «Manchester Siti» komandasyn 2:0 esebimen súrindirdi. Oiynda londondyq klýbtyń shabýylshysy Per-Emerik Obameiang 19, 71 minýttarda qos goldyń avtory atandy. Ol óz komandasyn finalǵa alyp shyqty.
Al búgin «Manchester Iýnaited» óz alańynda «Chelsi» komandasyna 1:3 esebimen jol berdi. Kezdesýde londondyq klýb sapynan Olive Jirý 45, Meison Maýnt 46, Garri Magýair 74-minýttarda gol soqsa, oǵan alań ieleri sapynan Brýný Fernandesh 85-minýtta jalǵyz golmen jaýap qaiyrdy.
«Arsenal» Angliia kýbogynda 13 dúrkin chempion atandy. Sońǵysy - 2017 jyly. Sondai-aq, 7 ret finalǵa shyqqan bolatyn.
Al «Chelsi» atalmysh jarysta 8 márte jeńimpaz boldy. Kýbokqa olar sońǵy ret 2018 jyly qol jetkizdi.
