الماتىدا ٶتكەن ونلاين سۇحبات بارىسىندا فتيزيوپۋلمونولوگييا ورتالىعىنىڭ جۇقپالى اۋرۋلار بٶلٸمٸنٸڭ مەڭگەرۋشٸسٸ, فتيزيوحيرۋرگ, پۋلمونولوگ ابزال مالباسقانوۆ كوروناۆيرۋستىق پنەۆمونييانى باسقا پنەۆمونييادان قالاي اجىراتۋعا بولاتىندىعىن تٷسٸندٸردٸ, دەپ حابارلايدى قازاقپارات.
«ادام ٶكپەسٸ قابىنىپ جاتقانىن بٸلمەۋٸ دە مٷمكٸن. سەبەبٸ ٶكپەنٸڭ باستى فۋنكتسيياسى - گاز الماسۋ پروتسەسٸ. ٶكپەدە جٷيكە تالشىقتارى بولمايدى. سىرتقى قابىعىندا عانا جٷيكە تالشىقتارى ورنالاسادى. ال قابىنۋ ينتەرستيتسيالدى تٸندە بولادى. ٶكپەنٸڭ تٸرشٸلٸك كٶلەمٸ دەگەن تٷسٸنٸك بار. ول 3-5 ليتر بولادى. ەدەتتە جاي ادام ٶكپەسٸنٸڭ 50 پايىز عانا مٷمكٸندٸگٸن قولدانادى. ال سپورتشىلار, ەنشٸلەر 100 پايىز مٷمكٸندٸگٸن پايدالانادى. سوندىقتان, ٶكپەنٸڭ قابىنىپ جاتقانىن كەي ادامدار سەزبەۋٸ دە مٷمكٸن. تەك القىنىپ, تىنىس الۋ مٷمكٸندٸگٸ ازايعاندا عانا ادام پنەۆمونييا ەكەنٸن تٷسٸنەدٸ», - دەدٸ ول.
دەرٸگەر مامان كوروناۆيرۋستىق ينفەكتسييانىڭ تارالۋىن تەجەۋ ٷشٸن بٸرقاتار سالت-دەستٷرٸمٸزدەن باس تارتۋعا تۋرا كەپ تۇرعانىن ايتتى.
«قازاقستاندا قازٸر ٸندەتتٸ ازايتۋ ٷشٸن بٸرقاتار قاتاڭ شارالاردى قولعا الۋعا تۋرا كەلٸپ تۇر. سالت دەستٷر, عۇرپىمىزدى قايتا قاراستىرۋعا تۋرا كەلدٸ. جاقسىسىن الىپ, جامانىن تاستاۋ كەرەك بولدى. ەلەۋمەتتٸك جەلٸدە جىلت ەتكەندٸ ساتىپ الۋعا قاجەتتٸلٸك جوق. سالاۋاتتى ٶمٸر سالتىن ۇستانۋ كەرەك. بٸزدە ادامدار اس مەزٸرٸنە كٶڭٸل بٶلمەيدٸ. تەز دايىن بولاتىن, مايلى, قۋىرىلعان تاماقتارعا بەيٸمبٸز. اۋىرۋ كەزٸندە سۇيىق تاماقتى كٶپ پايدالانىپ, پايداسى زور, ۆيتاميندەر ٸشكەن دۇرىس. كٶبٸرەك جەمٸس-جيدەك, كٶكٶنٸس جەۋ كەرەك. سٸز ساقتانساڭىز, جاقىندارىڭىزدى ساقتاساڭىز, ەل بولىپ ٸندەتتٸ جەڭەتٸن بولامىز», - دەدٸ پۋلمونولوگ مامان.
