وسى ايدا فرانتسييانىڭ اتلانت مۇحيتى جاعالاۋىنا 750 كەلٸدەن استام كوكاين جاعاعا شىعىپ قالعان, دەپ حابارلايدى BBC سايتى.
ەسٸرتكٸلەر باتىس نانتادا لاندى دەپارتامەنتٸنەن وڭتٷستٸككە قاراي لۋارا ٶزەنٸنٸڭ ساعاسىنا دەيٸنگٸ ارالىقتا جاعاجايدان تابىلعان. بوردوعا جاقىن جەردەگٸ جيروندادا بٸرنەشە جاعاجاي جابىلدى.
تابىلعان ەسٸرتكٸ زاتتارى شامامەن 60 ملن ەۋرونى قۇرايدى. رەنن پروكۋرورى فيليپپ استرۋكتىڭ ايتۋىنشا, تابىلعان 763 كەلٸ كوكاين «وڭتٷستٸك امەريكادان كەلگەن جەنە ونىڭ قۇنى ەلدەقايدا قىمبات».
«كەز كەلگەن تابىلعان ەسٸرتكٸگە قول تيگٸزبەي, بۇل تۋرالى پوليتسيياعا نەمەسە جاندارمدارعا حابارلاۋ كەرەك», - دەپ مەلٸمدەدٸ پروكۋراتۋرادا.
فرانتسييادا كوكاين سەكٸلدٸ ەسٸرتكٸلەردٸ تاسىمالداعانى ٷشٸن 10 جىلعا دەيٸن باس بوستاندىعىنان ايىرىلۋى مٷمكٸن.
