فرانتسييانىڭ بيارريتس قالاسىندا رەسەي باسشىسى ۆلاديمير پۋتيننٸڭ بۇرىنعى كٷيەۋ بالاسى (ەكاتەرينا تيحونوۆانىڭ كٷيەۋٸ) كيريلل شامالوۆتىڭ ۆيللاسى تۇتقىندالدى. "مەديازونا" سايتىنىڭ جازۋىنشا, ٷيدٸڭ مەكەن-جايى سانكتسييا اياسىندا تۇتقىندالعان جىلجىمايتىن مٷلٸكتەر تٸزٸمٸندە پايدا بولعان, دەپ حابارلايدى ازاتتىق.
ۆيللا بيارريتس قالاسىنداعى گەنەرال ماككروسكي داڭعىلىندا ورنالاسقان. "ۆاجنىە يستوريي" باسىلىمىنىڭ جازۋىنشا, شامالوۆ ونى 2012 جىلى ميللياردەر گەننادييا تيمچەنكودان ساتىپ العان.
ناۋرىز ايىندا ۆيللاعا پروگرامميست سەرگەي ساۆەلەۆ بۇزىپ كٸرگەن. ول بۇعان دەيٸن ساراتوۆ تٷرمە اۋرۋحاناسىنداعى ازاپتاۋ ۆيدەولارىن Gulagu.net جوباسىنا بەرٸپ, رەسەيدەن كەتكەن ەدٸ. ساۆەلەۆ فرانتسيياداعى بەلسەندٸلەرمەن بٸرٸگٸپ, عيماراتتىڭ ٸشٸنەن ۆيدەولار جارييالاعان. ارتىنشا ۇستالعان.
Nice-Matin باسىلىمىنىڭ جازۋىنشا, فرانتسييا بيلٸگٸ كٶك تەڭٸزدەگٸ تاعى ەكٸ رەسەيلٸك كەسٸپكەردٸڭ ۆيللالارىن تۇتقىنداعان. سان-تروپە ماڭىندا ورنالاسقان بٸرٸنشٸ ۆيللاعا 2005 جىلدان بەرٸ "رۋسال" باسشىسى ولەگ دەريپاسكا يە. ەكٸنشٸسٸ سەن-جان-كاپ-فەررا كوممۋناسى ماڭىندا ورنالاسقان ۆيللا "رۋسسكايا پلاتينا" ديرەكتورلار كەڭەسٸنٸڭ تٶراعاسى مۋسا باجاەۆقا تيەسٸلٸ.
فرانتسۋز بيلٸگٸنٸڭ مەلٸمەتٸنشە, ۋكراينادا سوعىس باستالعالى بەرٸ رەسەي بانكٸنٸڭ شەتەلدەگٸ اكتيۆتەرٸنٸڭ 22,8 ملرد ەۋروسى بۇعاتتالعان. بۇعان قوسا, سانكتسيياعا ٸلٸنگەن رەسەيلٸكتەرگە تيەسٸلٸ شامامەن وتىز شاقتى جىلجىمايتىن مٷلٸك, تٶرت ياحتا, التى تٸكۇشاق, ٷش ٶنەر تۋىندىسى بۇعاتتالعان.
