فرانتسييا ۇلتتىق كينو اڭىزى جان پول بەلموندومەن قوشتاستى. «جاڭا تولقىن» سيمۆولدارىنىڭ بٸرٸنە اينالعان اكتەر دٷيسەنبٸدە 88 جاسىندا دٷنيەدەن ٶتتٸ, دەپ حابارلايدى قازاقپارات ەuronews-كە سٸلتەمە جاساپ.
«بٸز جان پول بەلموندونى جاقسى كٶرەمٸز, سەبەبٸ ول بٸز سيياقتى ەدٸ. ۇلىلار اراسىنداعى ۇلى, بٸراق ول ەڭ الدىمەن ادام بولدى. جان پول سارتر ونى وسىلاي سيپاتتادى. بٸز وعان تاڭدانامىز, ول بٸزدٸ كٷلدٸرە الدى. بەلموندو بٸز سيياقتى, تەك جاقسىراق بەلموندو», - دەدٸ فرانتسييا پرەزيدەنتٸ ەممانۋەل ماكرون ٶزٸنٸڭ سالتاناتتى سٶزٸندە.
اكتەرمەن قوشتاسۋ رەسٸمٸ پاريج مٷگەدەكتەر ٷيٸندە ٶتتٸ. فرانتسۋز تۋىمەن جابىلعان بەلموندو دەنەسٸ بار تابىت «پروفەسسيونال» فيلمٸندەگٸ ەننيو مورريكونەنٸڭ ەۋەنٸمەن اۋلاعا شىعارىلدى. كومپوزيتسييانى ەسكەري وركەستر ورىندادى.
كوروناۆيرۋس شەكتەۋلەرٸنە بايلانىستى قوشتاسۋ رەسٸمٸنە سانيتارلىق رۇقساتناماسى بار مىڭ ادام جٸبەرٸلدٸ. قالعاندارى ٷشٸن سىرتتان ٷلكەن ەكراندار ورناتىلدى.
جان پول بەلموندونى جەرلەۋ رەسٸمٸ جۇما كٷنٸ تاڭەرتەڭ ٶتەدٸ.
