فرانتسييانىڭ مەملەكەتتٸك كەڭەسٸ 9 جەلتوقساندا بۇرىنعى قازاقستاندىق بانكير, وپپوزيتسييالىق وليگارح مۇحتار ەبليازوۆتٸ ەكستراديتسييالاۋ تۋرالى ٷكٸمنٸڭ كٷشٸن جويدى. بۇل تۋرالى Reuters حابارلادى. ال ەبليازوۆتٸڭ Facebook پاراقشاسىندا مودەراتوردىڭ اتىنان جازىلعان "جەڭدٸك!" دەگەن پوست جارييالاندى. پوست اۆتورى فرانتسييا مەملەكەتتٸك كەڭەسٸنٸڭ فرانتسۋز تٸلٸندەگٸ شەشٸمٸنە سٸلتەمە جاسايدى.
7 جەلتوقساندا بۇۇ-نىڭ ازاپتاۋ ٸستەرٸن تەكسەرۋ جٶنٸندەگٸ ارنايى ۋەكٸلٸ نيلس مەلتسەر فرانتسييا بيلٸگٸن قاماۋدا وتىرعان قازاقستاندىق بۇرىنعى وليگارح مۇحتار ەبليازوۆتٸ رەسەيگە ەكستراديتسييالاماۋعا شاقىرعان. مەلتسەر مەلٸمدەمەسٸندە: "فرانتسييا قانداي دا بٸر ادامدى ازاپتاۋعا ۇشىراۋ مٷمكٸندٸگٸ جوعارى ەلگە بەرٸپ جٸبەرمەۋٸ تيٸس" دەگەن.
بۇعان دەيٸن فرانتسييا سوتى مۇحتار ەبليازوۆتٸ رەسەيگە ەكستراديتسييالاۋ تۋرالى شەشٸم شىعارىپ, فرانتسييا پرەمەر-مينيسترٸ مانۋەل ۆالس تيٸستٸ جارلىققا 17 قىركٷيەكتە قول قويعان. بٸراق ەبليازوۆتٸڭ ادۆوكاتتارى بۇل شەشٸمنٸڭ ٷستٸنەن فرانتسييا مەملەكەتتٸك كەڭەسٸنە شاعىمدانعان.
قازاقستاندىق "بتا بانكتٸڭ" بۇرىنعى باسشىسى مۇحتار ەبليازوۆ 2013 جىلدىڭ جازىنان بەرٸ فرانتسييانىڭ وڭتٷستٸگٸندە ۋكراينا مەن رەسەيدٸڭ قارجىلىق الاياقتىق تۋرالى ايىپتاۋى نەگٸزٸندە قاماۋدا وتىر. رەسەي مەن ۋكراينا فرانتسييادان ونى قايتارۋدى سۇراعان. قازاقستان بيلٸگٸ ەبليازوۆتٸ "بانكتٸڭ 6 ميلليارد قارجىسىن جىمقىردى" دەپ ايىپتاپ, ٸزدەۋ جارييالاعان. ەبليازوۆ بۇل ايىپتاۋلاردى جوققا شىعارىپ, ٶزٸنٸڭ قۋعىنعا ۇشىراعانىن مەلٸمدەپ كەلەدٸ. قازاقستان ازاماتتارىن ەكستراديتسييالاۋ تۋرالى استانا مەن پاريجدٸڭ اراسىندا كەلٸسٸم جوق.
