سۋرەت: lada.kz
فورت-شەۆچەنكو ورتالىق جاعالاۋىنان ٶلٸ يتبالىقتار تابىلدى, - دەپ حابارلايدى Tengrinews.kz اگەنتتٸگٸ lada.kz سايتىنا سٸلتەمە جاساپ.
جەرگٸلٸكتٸ تۇرعىن عالييانىڭ ايتۋىنشا, 18 مامىردا فورت-شەۆچەنكو جاعالاۋىندا بالامەن سەرۋەندەپ جٷرگەن كەزدە 2 ٶلٸ يتبالىقتى بايقاعان.
"ەرٸ قاراي جٷرسە, تاعى دا ٶلٸ يتبالىقتار بولۋى مٷمكٸن, ٶيتكەنٸ الىستان قۇستار بٸردەڭە شۇقىپ جاتقانىن كٶردٸم", - دەيدٸ عالييا.
تٷپقاراعان اۋداندىق ەكٸمدٸگٸنٸڭ قىزمەتكەرٸ قازٸر ٶلٸ يتبالىقتاردى جيناۋ جەنە ٶلٸم سەبەپتەرٸن انىقتاۋ بويىنشا جۇمىستار جٷرگٸزٸلٸپ جاتقانىن ايتتى.
ەسكە سالايىق, بۇل كاسپييدەگٸ يتبالىقتار قىرىلىپ جاتقان العاشقى جاعداي ەمەس. بۇعان دەيٸن ماماندار فورت-شەۆچەنكو تەڭٸز پورتى اۋماعىنان 64 يتبالىق تاپقان بولاتىن.
26 سەۋٸردەن بەرٸ كاسپيي جاعالاۋىندا ٶلٸ يتبالىقتار تابىلىپ جاتىر.
