تانىمال Forbes جۋرنالى وليمپيادالىق فورمانىڭ ٷزدٸك 8 ديزاينىن انىقتادى. جۋرنالدىڭ شولۋشىسى ستەفان رابيموۆ تٷزگەن ٷزدٸك ۋنيفورمالار رەيتينگٸندە قازاقستان كومانداسىنىڭ فورماسى دا بار, دەپ حابارلايدى "ۇلت اقپارات" Olympic.kz سايتىنا سٸلتەمە جاساپ.
ٷزدٸك فورمالار تٸزٸمٸنە #teamKZ اتلەتتەرٸنەن بٶلەك, اقش, ليبەرييا, رەسەي, چەحييا, قىتاي, وڭتٷستٸك افريكا جەنە جاپونييا كوماندالارىنىڭ فورماسى ەنگەن.
قازاقستان كومانداسىنىڭ فورماسىن سيپاتتاي كەلە, اۆتور تٷستەردٸڭ جاقسى ٷيلەسٸم تاپقانىنا, ەڭ باستىسى – جوباداعى كوماندالىق جۇمىستىڭ جوعارى بولعانىنا ەرەكشە نازار اۋدارادى. ٶيتكەنٸ, فورمانى دايىنداۋ بارىسىنا سپورتشىلار دا قاتىسقان بولاتىن.
«قازاقستان كومانداسىنىڭ وتىز بەس مٷشەسٸ فورمانى دايىنداۋ بارىسىنا تٸكەلەي ارالاستى. ديزاينەر سالتانات بايمۇحامەدوۆا ماتانى, تٷستٸ جەنە دەكوراتيۆتٸ ەلەمەنتتەردٸ تاڭداۋ كەزٸندە كوماندامەن بٸرلەسە جۇمىس ٸستەگەن. بۇل سپورتشىلاردىڭ قولداۋدى سەزٸنۋٸنە, وليمپياداعا اپارار جولدا شابىتتانۋىنا ەسەر ەتتٸ.
اسپان تٷستەس كٶك تٷس قازاق دالاسىنداعى شەگٸ جوق اسپاندى ەسكە سالادى. بۇل ەل استاناسى مەن الماتى قالاسىنىڭ سەن ورتالىعى ەكەنٸن ودان ەرٸ ايقىنداپ, ەكٸ قالا اراسىنداعى مەدەني بەسەكەلەستٸكتٸ دە ارتتىرا تٷسەدٸ. وليمپيادالىق رۋح دۇرىس ناسيحاتتالسا, بەرٸ دە جەڭٸسكە جەتەدٸ», - دەپ جازدى اۆتور.
ۋنيفورمانىڭ تانىستىرىلىمىنا, سونداي-اق, ارنايى فوتوسەسسيياعا قازاقستاندىق وليمپياداشىلار قاتىستى.
