قازاقستان قۇراماسى فيزيكادان ەڭ بەدەلدٸ حالىقارالىق بٸلٸم دوداسىندا ەل تاريحىنداعى ەڭ ٷزدٸك نەتيجەگە قول جەتكٸزدٸ. 2026 جىلعى 4-12 شٸلدە ارالىعىندا كولۋمبييانىڭ بۋكارامانگا قالاسىندا ٶتكەن 56-شى حالىقارالىق فيزيكا وليمپياداسىندا (International Physics Olympiad, IPhO) ۇلتتىق قۇرامانىڭ بەس مٷشەسٸ دە التىن مەدال جەڭٸپ الدى, دەپ حابارلايدى ult.kz.
بيىلعى وليمپياداعا ەلەمنٸڭ 85 ەلٸنەن 381 وقۋشى قاتىستى. قاتىسۋشىلار كٷردەلٸ تەورييالىق جەنە ەكسپەريمەنتتٸك تاپسىرمالاردى ورىنداپ, بٸلٸمدەرٸ مەن عىلىمي دايارلىقتارىن سىنعا سالدى. قازاقستاندىق جاس فيزيكتەر جوعارى دايىندىق دەڭگەيٸن كٶرسەتٸپ, بەس التىن مەدال يەلەندٸ. بۇل – قازاقستاننىڭ IPhO وليمپياداسىنا قاتىسۋ تاريحىنداعى ەڭ ٷزدٸك نەتيجە.
التىن مەدال يەگەرلەرٸ:
- ەگەنبەرگەنوۆا نۇرگٷل – استانا قالاسىنداعى NURORDA مەكتەپ-ليتسەيٸنٸڭ 11-سىنىپ وقۋشىسى;
- ازاتبەكوۆ اميربەك – استانا قالاسىنداعى جاراتىلىستانۋ-ماتەماتيكا باعىتىنداعى NIS-تٸڭ 12-سىنىپ وقۋشىسى;
- قازىمبەك يليياس – استانا قالاسىنداعى Spectrum International School مەكتەبٸنٸڭ 12-سىنىپ وقۋشىسى;
- چەرەمنوۆ رومان – الماتى قالاسىنداعى «ميراس» حالىقارالىق مەكتەبٸنٸڭ 12-سىنىپ وقۋشىسى;
- قۇرمان دامير – استانا قالاسىنداعى جاراتىلىستانۋ-ماتەماتيكا باعىتىنداعى NIS-تٸڭ 11-سىنىپ وقۋشىسى.
بۇل تاريحي جەتٸستٸككە ۇلتتىق قۇراما ٷش جىل بويى جٷيەلٸ دايىندالدى. كوماندانى مەكتەپ مۇعالٸمدەرٸ, تەلٸمگەرلەرٸ جەنە ۇلتتىق قۇرامانىڭ جاتتىقتىرۋشىلارى دايىندادى. دايىندىق جۇمىستارىنا ەل-فارابي اتىنداعى قازاق ۇلتتىق ۋنيۆەرسيتەتٸنٸڭ اعا وقىتۋشىسى, PhD دوكتورى گٷلييا نۇرباقوۆا جەتەكشٸلٸك ەتتٸ. ال حالىقارالىق فيزيكا وليمپياداسىندا ۇلتتىق قۇرامانىڭ جۇمىسىن SDU ۋنيۆەرسيتەتٸنٸڭ اعا وقىتۋشىسى, PhD دوكتورى سامات ماقسۇتوۆ پەن فيزيكادان حالىقارالىق وليمپيادالاردىڭ جٷلدەگەرٸ اليشەر ەركەباەۆ ٷيلەستٸردٸ.
ايتا كەتەيٸك, حالىقارالىق فيزيكا وليمپياداسى 1967 جىلدان بەرٸ ٶتكٸزٸلٸپ كەلەدٸ. قازاقستان بۇل بٸلٸم دوداسىنا 1997 جىلدان بەرٸ تۇراقتى قاتىسىپ كەلەدٸ. 2025 جىلى ۇلتتىق قۇراما ەكٸ كٷمٸس جەنە ٷش قولا مەدال جەڭٸپ العان بولسا, بيىل ەلٸمٸزدٸڭ بەس وقۋشىسى دا التىن مەدال يەلەنٸپ, قازاقستان تاريحىنداعى بۇرىن-سوڭدى بولماعان نەتيجەگە قول جەتكٸزدٸ.
قازاقستاننىڭ جاس فيزيكتەرٸن, ولاردىڭ ۇستازدارىن, اتا-انالارىن جەنە بارشا قازاقستاندىقتاردى وسى تاريحي جەڭٸسپەن قۇتتىقتايمىز! بۇل جەتٸستٸك – دارىندى جاستاردىڭ قاجىرلى ەڭبەگٸ مەن ۇستازداردىڭ كەسٸبي بٸلٸكتٸلٸگٸنٸڭ, سونداي-اق ەلٸمٸزدەگٸ وليمپيادالىق دايارلىق جٷيەسٸنٸڭ جوعارى دەڭگەيٸنٸڭ جارقىن كٶرٸنٸسٸ.
