فيليپپين استاناسىنداعى ساۋدا ورتالىعىندا بٸر ادامدى اتىپ, تاعى 30-ىن كەپٸلگە العان قاسكٶي دٷيسەنبٸ كٷنٸ كەشكٸسٸن بيلٸككە ٶز ەركٸمەن بەرٸلدٸ, دەپ حابارلايدى "ۇلت اقپارات" Chinadaily-گە سٸلتەمە جاساپ.
ەر ادام ساۋدا ورتالىعىنان ٶزٸ شىقپاس بۇرىن بارلىق تۇتقىنداردى بوساتقان.
ەسكە سالايىق, جۇمىستان شىعارىلعان كٷزەتشٸ دٷيسەنبٸ كٷنٸ تاڭەرتەڭ ساۋدا ورتالىقتارىنىڭ بٸرٸندە ادامدارعا وق اتىپ, 30-عا جۋىق قىزمەتكەردٸ تۇتقىنعا العان بولاتىن.
قالا مەرٸ فرەنسيس زامورا كٷدٸكتٸ پيستولەتپەن قارۋلانعانىن مەلٸم ەتتٸ. ول ساۋدا ورتالىعىنداعى ادامداردىڭ بٸرٸنە وق اتقان. زارداپ شەگۋشٸ تاياۋ ماڭداعى اۋرۋحاناعا جەتكٸزٸلدٸ.
ف.زامورا پوليتسەيلەردٸڭ قاسكٷنەممەن سٶيلەسۋگە تىرىسقانىن حابارلادى.
«ول ٶزٸن جۇمىستان بوساتقانى ٷشٸن اشۋلى بولدى», - دەدٸ زامورا جۋرناليستەرگە. باسقا دا كٷزەتشٸلەردٸ ٶزٸنە قوسىلۋعا ٷگٸتتەمەك بولعان. الايدا, دەگەنٸنە جەتە الماعان. سونداي-اق, ول قولىندا تاپانشادان بٶلەك, گراناتا بولعانىن ايتقان. دەگەنمەن, پوليتسييا بۇل فاكتٸنٸ راستاعان جوق.
