پارلامەنت مەجٸلٸسٸنٸڭ جالپى وتىرىسىندا دەپۋتات بەرٸك بەكجانوۆ اگروٶنەركەسٸپ كەشەنٸنٸڭ جەكەلەگەن سەكتورلارىن قولداۋعا باعىتتالعان ينۆەستيتسييالىق سۋبسيدييالارعا قاتىستى دەپۋتاتتىق ساۋالىن جارييالادى, دەپ حابارلايدى "ۇلت اقپارات".
«سۋبسيدييا الۋعا ٶتٸنٸم بەرۋ رەسٸمٸ «اقپاراتتىق - ەسەپتەۋ ورتالىعى» اكتسيونەرلٸك قوعامىنىڭ Qoldau.kz پلاتفورماسى نەگٸزٸندە جٷزەگە اسىرىلادى. بٷگٸنگٸ تاڭدا پلاتفورمادا 218 مىڭ 977 پايدالانۋشى تٸركەلگەن. Qoldau.kz ساندىق پلاتفورماسى اقىلى نەگٸزدە جۇمىس ٸستەيدٸ جەنە قىزمەت قۇنى الىنعان سۋبسيدييا سوماسىنا بايلانىستى. مەسەلەن, سۋبسيدييا سوماسى 100 مىڭ تەڭگەگە دەيٸن بولسا, تٶلەم 3 ايلىق ەسەپتٸك كٶرسەتكٸشتٸ قۇرايدى. بۇل شامامەن 9 مىڭ تەڭگە, 1 ملن تەڭگەگە دەيٸن – 10 اەك - تٸ, ياعني 29 مىڭ تەڭگە, ال 1 ملن تەڭگەدەن استام - 11 ايلىق ەسەپتٸك كٶرسەتكٸش, 32 مىڭ تەڭگە شاماسىندا تٶلەنۋٸ تيٸس. ونسىز شارۋا سۋبسيدييادان قاعىلادى. بٸزگە جەنە شارۋالارعا قىزمەتتٸڭ قۇنى نەگە سۋبسيدييا كٶلەمٸنە بايلانىستى ەكەنٸ تٷسٸنٸكسٸز, ٶيتكەنٸ مۇندا تەك ٶتٸنٸم بەرۋ رەسٸمدەلەدٸ, ونىڭ ٶزٸ اۆتوماتتى تٷردە جاسالادى. بيىل وسى قىزمەتتٸ الۋشىلاردىڭ سانى 218 مىڭنان استام ەكەندٸگٸن ەسكەرسەك, ساندىق پلاتفورمانىڭ قانشا تابىس تاباتىنىن ەسەپتەۋ قيىن ەمەس», - دەدٸ ب. بەكجانوۆ پرەمەر-مينيستردٸڭ ورىنباسارى رومان سكلياردىڭ اتىنا جولداعان ساۋالىندا.
ونىڭ ايتۋىنشا, شارۋالاردىڭ كٶپتەگەن شاعىمدارى پلاتفورما ارقىلى ٶتٸنٸش بەرۋ كەزٸندەگٸ كەدەرگٸلەرگە بايلانىستى. ديحاندار دالا جۇمىسىن اتقارۋدىڭ ورنىنا تاڭ اتقاننان كٷن باتقانعا دەيٸن كومپيۋتەرگە ٷڭٸلٸپ, پورتالعا ٶتٸنٸش بەرۋ ٷشٸن «مٷمكٸندٸكتەر تەرەزەسٸن» ٸزدەۋگە مەجبٷر! بٸراق «مٷمكٸندٸك تەرەزەسٸنٸڭ» قىزمەتٸ پورتالدىڭ اشىلۋ ۋاقىتىن بٸلەتٸندەرگە عانا بۇيىرادى ەكەن. بۇل رەتتە اگرارشىلاردىڭ بيۋدجەتتە قاراجاتتىڭ بولۋىنا قاراماستان الدىن الا ٶتٸنٸمدەردٸ ورنالاستىرۋعا ەشقانداي مٷمكٸندٸگٸ جوق.
«سوندىقتان دا حالىق اراسىندا بۇل جٷيەنٸ «Qoldau» ەمەس, «Qorlau» دەگەن ۇعىم قالىپتاسقان. بۇدان باسقا, مال باسىن ەسەپكە الۋ اۋىل شارۋاشىلىعى مينيسترلٸگٸ «اقپاراتتىق-تالداۋ جٷيەسٸ» (اتج) ارقىلى جٷزەگە اسىرىلادى, وندا تٸركەۋ ٷشٸن شارۋا 8500 تەڭگە جەنە جاڭا تۋعان نەمەسە ساتىپ الىنعان مال باسىنىڭ ەر باسىنا 200 تەڭگە تٶلەيدٸ. بٸراق سۋبسيدييا الۋ ٷشٸن تاعى بٸر اقپاراتتىق جٷيەگە – «سۋبسيدييالاۋدىڭ اقپاراتتىق جٷيەسٸنە» (ساج) ٶتٸنٸم بەرۋ ارقىلى تٸركەلۋ قاجەت. وسىلايشا, شارۋا مالدىڭ ساپاسىن جاقسارتۋ مەن ٶنٸمدٸلٸكتٸ ارتتىرۋدىڭ ورنىنا, اۋىلداعى ينتەرنەتتٸڭ ساپاسىنىڭ تٶمەندٸگٸنە قاراماستان «تارىداي شاشىلعان» ەلەكتروندى پورتالداردىڭ قۋلىقتارىن تٷسٸنۋگە جەنە ونىمەن اقىلى نەگٸزدە جۇمىس جاساۋعا مەجبٷر», - دەدٸ بەكجانوۆ.
جوعارىدا باياندالعاننىڭ نەگٸزٸندە تيٸستٸ ۇسىنىستار جاسالدى:
1) ساندىق پلاتفورمالار Qoldau.kz, «اقپاراتتىق-تالداۋ جٷيەسٸن» جەنە «سۋبسيدييالاۋدىڭ اقپاراتتىق جٷيەسٸن» بٸر ارناعا توعىستىرىپ, «بٸر تەرەزە» قاعيداتى بويىنشا جۇمىسىن رەتتەۋ.
2) سىبايلاس جەمقورلىق كٶرٸنٸستەرٸن جويۋ ماقساتىندا مەملەكەتتٸك كٶرسەتٸلەتٸن قىزمەت ستاندارتىنا سەيكەس, تسيفرلىق پلاتفورمانىڭ جۇمىسىن اقىسىز, الدىن الا ٶتٸنٸم بەرۋ مٷمكٸندٸگٸن قاراستىرا وتىرىپ, تولىق اۆتوماتتاندىرۋ.
