مينسكٸدە ٶتەتٸن بالالار ەۋروۆيدەنيەسٸندە قازاقستان اتىنان ٶنەر كٶرسەتەتٸن دانەلييا تٶلەشوۆاعا ونلاين داۋىس بەرۋ جالعاسۋدا, دەپ حابارلايدى "ۇلت اقپارات".
بايقاۋ سايتىندا كەز كەلگەن قازاقستاندىق ازامات ٶزٸنە ۇناعان 5 قاتىسۋشىعا, سونىڭ ٸشٸندە وتانداسىمىز دانەلييا تٶلەشوۆاعا داۋىس بەرە الادى. داۋىس بەرۋ 25 قاراشادا جابىلىپ, فينالدىق كونتسەرتتەن كەيٸن تاعى 15 مينۋتقا اشىق بولادى. بايقاۋدىڭ اقتىق كەزەڭٸنٸڭ تٸكەلەي كٶرسەتٸلٸمٸن 25 قاراشا كٷنٸ ساعات 21:00-دە «حابار 24» تەلەارناسىنان تاماشالاۋعا بولادى.
ال 23 قاراشادان باستاپ سايتتا بەرٸلگەن بارلىق داۋىس ەسەپتەلٸپ, ۇپايعا ٶزگەرتٸلەدٸ. كٶرەرمەندەردٸڭ ونلاين داۋىس بەرۋٸ بارىسىندا جينالعان بارلىق ۇپاي - قاتىسۋشىنى باعالاۋدىڭ جارتىسى عانا, قالعانى قازىلار القاسىنىڭ بەرگەن ۇپاي سانىمەن بٸرگە باعالانادى.
