فوتو: اشىق دەرەككٶز
ۇلىبريتانييا, شۆەتسييا, فرانتسييا, گەرمانييا جەنە نيدەرلاند ٷكٸمەتتەرٸ بٸرلەسكەن مەلٸمدەمە جارييالاپ, وندا ناۆالنىي ەپيباتيدينمەن — وڭتٷستٸك امەريكاداعى ۋلى اعاش باقالارىندا كەزدەسەتٸن توكسينمەن ۋلانعانى ايتىلدى, دەپ حابارلايدى Ult.kz.
مۇنداي قورىتىندىعا بەس ەلدٸڭ عالىمدارى ناۆالنىيدىڭ بيولوگييالىق ماتەريالدارىنىڭ ٷلگٸلەرٸن تالداۋ نەگٸزٸندە كەلگەن. مەلٸمدەمەدە زاتتىڭ جوعارى ۋىتتىلىعى مەن سيپاتتالعان بەلگٸلەردٸ ەسكەرە وتىرىپ, "ٶلٸمنٸڭ ەڭ ىقتيمال سەبەبٸ — ۋلانۋ" ەكەنٸ اتاپ كٶرسەتٸلگەن.
ەپيباتيدين — ەكۆادورداعى Epipedobates تۋىسىنا جاتاتىن اعاش باقالاردىڭ تەرٸسٸنەن بٶلٸنەتٸن نەيروتوكسين.
ال رەسەيدٸڭ سىرتقى ٸستەر مينيسترلٸگٸ بۇل مەلٸمدەمەلەردٸ جوققا شىعارىپ, ناۆالنىيدىڭ كولونييادا ۋلانعانى تۋرالى اقپاراتتى فەيك دەپ اتادى.
ۆەدومستۆونىڭ رەسمي ٶكٸلٸ مارييا زاحاروۆانىڭ ايتۋىنشا, ەۋروپالىق مەملەكەتتەر رەسەيگە ساياساتكەردٸڭ ساراپتاما نەتيجەلەرٸن ۇسىنباعان, كەرٸسٸنشە "سكريپالدار تۋرالى سەنساتسييالار تاراتۋمەن اينالىسقان".
ونىڭ سٶزٸنشە, "سولتٷستٸك اعىن–1" جەنە "سولتٷستٸك اعىن–2" جوبالارىنا قاتىستى تەرگەۋ نەتيجەلەرٸن جارييالاۋ قاجەت بولعان سەتتە, باتىس ەلدەرٸ ناۆالنىيدى ەسكە تٷسٸرٸپ وتىر.
زاحاروۆا بەس ەلدٸڭ ۋلانۋ تۋرالى مەلٸمدەمەسٸن "باتىستىڭ ٶزەكتٸ پروبلەمالارىنان نازاردى باسقا جاققا اۋدارۋعا باعىتتالعان اقپاراتتىق ەرەكەت" دەپ باعالادى.
"ساراپتاما نەتيجەلەرٸ, زاتتاردىڭ فورمۋلالارى ۇسىنىلسا — سوندا تٷسٸنٸكتەمە بولادى. ال ونسىز ايتىلعان سٶزدەر مەن مەلٸمدەمەلەر — باتىستىڭ ٶزەكتٸ مەسەلەلەرٸنەن نازاردى بۇرۋ ماقساتىنداعى اقپاراتتىق لاقتىرۋ عانا", — دەدٸ ول ربك-عا بەرگەن سۇحباتىندا.
