Foto: ashyq derekkóz
Ulybritaniia, Shvetsiia, Frantsiia, Germaniia jáne Niderland úkimetteri birlesken málimdeme jariialap, onda Navalnyi epibatidinmen — Ońtústik Amerikadaǵy ýly aǵash baqalarynda kezdesetin toksinmen ýlanǵany aityldy, dep habarlaidy Ult.kz.
Mundai qorytyndyǵa bes eldiń ǵalymdary Navalnyidyń biologiialyq materialdarynyń úlgilerin taldaý negizinde kelgen. Málimdemede zattyń joǵary ýyttylyǵy men sipattalǵan belgilerdi eskere otyryp, "ólimniń eń yqtimal sebebi — ýlaný" ekeni atap kórsetilgen.
Epibatidin — Ekvadordaǵy Epipedobates týysyna jatatyn aǵash baqalardyń terisinen bólinetin neirotoksin.
Al Reseidiń Syrtqy ister ministrligi bul málimdemelerdi joqqa shyǵaryp, Navalnyidyń koloniiada ýlanǵany týraly aqparatty feik dep atady.
Vedomstvonyń resmi ókili Mariia Zaharovanyń aitýynsha, eýropalyq memleketter Reseige saiasatkerdiń saraptama nátijelerin usynbaǵan, kerisinshe "Skripaldar týraly sensatsiialar taratýmen ainalysqan".
Onyń sózinshe, "Soltústik aǵyn–1" jáne "Soltústik aǵyn–2" jobalaryna qatysty tergeý nátijelerin jariialaý qajet bolǵan sátte, Batys elderi Navalnyidy eske túsirip otyr.
Zaharova bes eldiń ýlaný týraly málimdemesin "Batystyń ózekti problemalarynan nazardy basqa jaqqa aýdarýǵa baǵyttalǵan aqparattyq áreket" dep baǵalady.
"Saraptama nátijeleri, zattardyń formýlalary usynylsa — sonda túsinikteme bolady. Al onsyz aitylǵan sózder men málimdemeler — Batystyń ózekti máselelerinen nazardy burý maqsatyndaǵy aqparattyq laqtyrý ǵana", — dedi ol RBK-ǵa bergen suhbatynda.
