بٷگٸن UEFA ەۋروپا ليگاسىندا فينالعا شىققان ەكٸنشٸ كوماندا بەلگٸلٸ بولدى, دەپ حابارلايدى "ۇلت اقپارات".
جارتىلاي فينالدىڭ ەكٸنشٸ كەزدەسۋٸندە يتالييانىڭ «ينتەر» جەنە ۋكراينانىڭ «شاحتەر» كوماندالارى شەبەرلٸك بايقاستى. ويىن تارتىستى ٶتتٸ دەۋگە نەگٸز بار. ەكەۋٸ دە شابۋىلعا كٶبٸرەك شىعىپ, قىزۋ ويىن ٶتكٸزدٸ.
دەسە دە بٸرٸنشٸ كەزەڭدە «ينتەر» كومانداسىنىڭ جولى بولدى. ويىننىڭ 19-مينۋتىندا لاۋتارو مارتينەس ۋكراين قورعاۋشىلارىنىڭ قاتەلٸگٸن شەبەر پايدالانىپ كەتتٸ. بۇدان كەيٸن قوس كوماندا تاراپىنان دا ەسەپتٸ ٶزگەرتەتٸن بٸرنەشە مٷمكٸندٸك كەزدەستٸ. الايدا تابلوداعى ەسەپ سول كٷيٸنشە ٶزگەرٸسسٸز قالدى.
ەكٸنشٸ كەزەڭدە «شاحتەردٸڭ» قاقپاسىنا تاعى دا تٶرت گول سوعىلدى. ونى دانيلو د'امبروزيو 64, لاۋتارو مارتينەس 74, رومەلۋ لۋكاكۋ 78, 83-مينۋتتاردا قاقپاعا ەنگٸزدٸ. وسىلايشا «ينتەر» 5:0 ەسەبٸمەن جەڭٸسكە جەتتٸ.
بۇدان بۇرىن فينالعا يسپانييانىڭ «سەۆيليا» كومانداسى جولداما العان بولاتىن. ول 16 تامىزدا انگلييانىڭ «مانچەستەر يۋنايتەد» كومانداسىنان 2:1 ەسەبٸمەن باسىم تٷسكەن بولاتىن.
فينال 21 تامىزدا كيولن قالاسىنداعى «رەين ەنەرگي» ستاديونىندا بولادى.
