فۋتبولدان ەۋروپا چەمپيوناتىنىڭ فينالدىق ساتىسىنىڭ توپتىق كەزەڭٸ ٷشٸنشٸ تۋرىندا يتالييا مەن ۋەلس كەزدەستٸ, دەپ حابارلايدى "ۇلت اقپارات".
ەسكە سالا كەتەيٸك, اتالعان ەكٸ قۇراما ا توبىندا سىنعا تٷسەدٸ. قارسىلاستارى – شۆەيتسارييا مەن تٷركييا.
العاشقى ەكٸ تۋردا يتالييا قۇراماسى تٷركييا مەن شۆەيتسارييانى 3:0 ەسەبٸمەن جەڭدٸ.
ال ۋەلس شۆەيتسارييامەن 1:1 ەسەبٸمەن تەڭ تٷسسە, تٷركييادان 2:0 ەسەبٸمەن باسىم تٷستٸ.
بٷگٸنگٸ ويىندا يتالييالىق فۋتبولشىلاردىڭ باسىمدىعى بايقالىپ تۇردى. نەتيجەسٸندە ماتتەو پەسسينا 39-مينۋتتا ەسەپ اشتى.
سٶيتٸپ, يتالييا قارسىلاسىن 1:0 ەسەبٸمەن جەڭدٸ. ولار توپتىق كەزەڭدە ۇپاي جوعالتقان جوق.
يتالييا مەن ۋەلس تە جارىستى جالعاستىرۋعا مٷمكٸندٸك الدى.
ەندٸ 1/8 فينال ويىندارى 26-29 ماۋسىم كٷندەرٸ ٶتكٸزٸلەدٸ.
ويىندار دٷبٸرلٸ دودا تاريحىندا تۇڭعىش رەت ەۋروپانىڭ 10 مەملەكەتٸندە ورنالاسقان 11 ستاديوندا ٶتۋدە. بۇل ەۋروپا چەمپيوناتىنىڭ 60 جىلدىق مەرەيتويىنا وراي ۇيىمداستىرىلعان.
فۋتبولدان ەۋروپا چەمپيوناتى 11 ماۋسىمدا باستالدى, 11 شٸلدەدە مەرەسٸنە جەتەدٸ.
