فۋتبولدان ەۋروپا چەمپيوناتىنىڭ شيرەك فينالىنا جولداما العان بەسٸنشٸ قۇراما انىقتالدى, دەپ حابارلايدى "ۇلت اقپارات".
دٷبٸرلٸ دودانىڭ 1/8 فينالىنداعى بەسٸنشٸ كەزدەسۋدە حورۆاتييا مەن يسپانييا جاسىل الاڭعا شىقتى.
ەكٸ قۇراما بۇعان دەيٸن 8 مەرتە كەزدەستٸ. ونىڭ 4-دە بەلگييا باسىم تٷسٸپ, 3-دە پورتۋگالييانىڭ مەرەيٸ ٷستەم بولدى, قالعانىندا تەڭ نەتيجە تٸركەلدٸ.
بٷگٸنگٸ ويىندا قوس قۇراما دا جەڭٸسكە جەتۋگە بار كٷش سالدى. دەسە دە العاشقى سەتتەردە يسپاندار جيناقى قيمىل كٶرسەتتٸ. ويىننىڭ 20-مينۋتتا يسپانييالىق پەدري اۆتوگول اۆتورى اتاندى. ودان كەيٸن يسپانييا قۇراماسىنان پابلو سارابييا 38, سەسار اسپيليكۋەتا 57,
فەرران توررەس 76-مينۋتتاردا ەسەپتٸ ٷستەمەلەي تٷستٸ.
ال حورۆاتييا قۇراماسىنان يسلاۆ ورشيچ 85, ماريو پاشاليچ 92-مينۋتتا گول سوعىپ, تارازى باسىن تەڭەستٸردٸ.
وسىلايشا نەگٸزگٸ كەزەڭدە 3:3 ەسەبٸ تٸركەلٸپ, ويىن وۆەرتايمعا ۇلاستى. وۆەرتايمدا يسپانييالىق الۆارو موراتا 100,
ميكەل ويارسابال 103-مينۋتتاردا قوس گول سوعىپ كەتتٸ.
اتالعان كەزدەسۋدە يسپانييا قارسىلاسىنان 5:3 ەسەبٸمەن جەڭٸپ, شيرەك فينالعا جولداما الدى. ەندٸ ولار 2 شٸلدەدە فرانتسييا مەن شۆەيتسارييا جۇبىنىڭ جەڭٸمپازىمەن شەبەرلٸك بايقاسادى.
ەسكە سالساق, بۇدان بۇرىن دانييا ۋەلستٸ 4:0 ەسەبٸمەن جەڭٸپ, يتالييا اۋسترييانى وۆەرتايمدا 2:1 ەسەبٸمەن تٸزە بٷكتٸردٸ. ٷشٸنشٸ كەزدەسۋدە چەحييا نيدەرلاندىدان 2:0, ودان كەيٸن بەلگييا پورتۋگالييادان 1:0 ەسەبٸمەن باسىم تٷستٸ .
ايتا كەتسەك, جارىستىڭ 1/8 فينالىندا ەندٸ 28 ماۋسىمدا فرانتسييا مەن شۆەيتسارييا شەبەرلٸك بايقاسادى. ال 29 ماۋسىمدا انگلييا مەن گەرمانييا, شۆەتسييا مەن ۋكراينا جاسىل الاڭعا شىعادى.
