فۋتبولدان ەۋروپا چەمپيوناتىنىڭ فينالدىق ساتىسىنىڭ توپتىق كەزەڭٸندە ۆ توبىندا 1/8 فينالعا شىققان قۇرامالار انىقتالدى, دەپ حابارلايدى "ۇلت اقپارات".
بۇل توپتا بەلگييا قۇراماسى العاشقى ەكٸ تۋردا ۇپاي جوعالتقان جوق. سول ارقىلى جارىستىڭ كەلەسٸ ساتىسىنا بەرٸلەتٸن جولداما تاعدىرىن شەشٸپ قويدى. ال قالعان ٷش قۇرامانىڭ دا 1/8 فينالعا شىعاتىن مٷمكٸندٸگٸ بار بولاتىن.
رەسەي مەن دانييا ٶزارا باق سىناسىپ, جەڭٸمپازدى انىقتاۋعا تىرىستى. بۇل جاعدايدا دانييالىق قۇرامانىڭ جەڭٸسكە جەتۋگە ۇمتىلاتىنى تٷسٸنٸكتٸ ەدٸ. نەتيجەسٸندە ميككەل دامسگور 38-مينۋتىندا مەرگەندٸك تانىتتى. ال 59-مينۋتتا يۋسسۋف پوۋلسەن ەسەپ ايىرماسىن ۇلعايتسا, 70-مينۋتتا رەسەيلٸك ارتەم دزيۋبا پەنالتيدەن مٷلت كەتكەن جوق. دانييالىق اندرەاس كريستەنسەن 79, يواكيم مەحلە 82-مينۋتتا ەسەپتٸ ٷستەمەلەي تٷستٸ.
كەزدەسۋدە دانييا قارسىلاسىن 4:1 ەسەبٸمەن جەڭٸپ, جارىستىڭ پلەي- وفف ساتىسىنا جولداما الدى.
ال فينلياندييا مەن بەلگييا اراسىنداعى كەزدەسۋدە بٸرٸنشٸ كەزەڭدە ەسەپ اشىلعان جوق.
ەكٸنشٸ كەزەڭدە لۋكاش گرادەتسكي فينلياندييالىق 74-مينۋتتا ٶزٸنٸڭ قاقپاسىنا گول سوعىپ الدى. ال 81-مينۋتتا بەلگييالىق رومەلۋ لۋكاكۋ قاقپانى دەل كٶزدەدٸ.
وسىلايشا بەلگييا فينلياندييانى 2:0 ەسەبٸمەن سٷرٸندٸرٸپ, جارىستىڭ كەلەسٸ ساتىسىنا جولداما الدى.
ايتا كەتەيٸك, بۇعان دەيٸن 1/8 فينالعا تٸكەلەي جولداما العان تٶرت قۇراما بەلگٸلٸ. ولاردىڭ قاتارىندا ا توبىندا يتالييا مەن ۋەلس, س توبىندا نيدەرلاندى مەن اۆسترييا قۇرامالارى بار.
ەندٸ ٷشٸنشٸ تۋر ويىندارى 23 ماۋسىمدا D توبىندا ٶتكٸزٸلەدٸ. بۇل كٷنٸ حورۆاتييا مەن شوتلاندييا, چەحييا مەن انگلييا شەبەرلٸك بايقاسادى.
