ەۋروكوميسسييا (ەك) ەۋرووداققا مٷشە مەملەكەتتەرگە ٸشكٸ شەكارالىق باقىلاۋدى 15 ماۋسىمعا قاراي توقتاتۋدى جەنە 1 شٸلدەدەن باستاپ سىرتقى شەكارانى كەزەڭ-كەزەڭٸمەن اشۋدى ۇسىندى, دەپ حابارلايدى ەك رەسمي سايتى.
«كەيبٸر ٷشٸنشٸ ەلدەردە دەنساۋلىق ساقتاۋ سالاسىندا جاعداي ەلٸ دە سىن كٶتەرمەيدٸ. سوندىقتان ەك بۇل كەزەڭدە جالپى ساپارعا شىعۋدى شەكتەۋدٸ الىپ تاستاۋدى (ەۋرووداققا) ۇسىنىپ وتىرعان جوق. شەكتەۋ مٷشە مەملەكەتتەرمەن بٸرلەسٸپ, تاڭدالعان ەلدەردە عانا الىنۋى تيٸس, وندا دا شىنايى كريتەرييلەر ەسكەرٸلەتٸن بولادى», دەلٸنگەن سايتتا جارييالانعان مەلٸمدەمەدە .
مۇنىمەن قاتار ەۋروكوميسسييا ٷشٸنشٸ ەلدەن ەو-عا كٸرۋگە رۇقسات بەرٸلەتٸن ازاماتتار ساناتىن كەڭەيتۋدٸ ۇسىندى. اتاپ ايتقاندا, شەتەلدٸك ستۋدەنتتەرگە رۇقسات بەرٸلمەك.
ەك مۇنىمەن قوسا ەۋرووداق ەلدەرٸن سىرتقى شەكارانى اشقاننان كەيٸن ۆيزالىق وپەراتسييالاردى قايتا جانداندىرۋعا شاقىردى.
بۇل ورايدا ايتا كەتكەن جٶن, شەكتەۋ الدىمەن ەپيدەميولوگييالىق جاعدايى ەو ەلدەرٸمەن شامالاس مەملەكەتتەردەن الىنادى.
سونداي-اق مۇنداي ەلدەردٸڭ تٸزٸمٸ ۇدايى جاڭارتىلاتىن بولادى.
