ەۋروپالىق كوميسسييانىڭ پرەزيدەنتٸ ۋرسۋلا فون دەر ليايەن تٷركيياعا رەسمي ساپارمەن بارادى, دەپ حابارلايدى "ۇلت اقپارات".
«بٸز ادال سەرٸكتەستٸككە ۇمتىلامىز», - دەدٸ ۋرسۋلا فون دەر لەيەن.
سەيسەنبٸدە ەۋروپالىق كەڭەستٸڭ باسشىسى شارل ميشەل مەن ەۋروپالىق كوميسسييانىڭ پرەزيدەنتٸ ۋ. ليايەن تٷركييادا ەل پرەزيدەنتٸ ر. ەردوعانمەن كەلٸسسٶزدەر جٷرگٸزدٸ.
ش. ميشەلدٸڭ ايتۋىنشا, انكاراعا ساپاردىڭ باستى ماقساتى تٷركييامەن قارىم-قاتىناستى «قايتا باستاۋ» مٷمكٸندٸكتەرٸن ٸزدەۋ بولدى. «تٷركييا باسشىلىعى مۇنى پايدالانادى دەپ ٷمٸتتەنەمٸز», - دەدٸ ەۋروپالىق كەڭەستٸڭ باسشىسى. سونداي-اق ول انكارا مەن بريۋسسەلدٸڭ ەكٸ جاقتى قارىم-قاتىناسى سوڭعى بٸرنەشە ايدا «جىلىنعانىن» ايتتى. ەۋروكوميسسييانىڭ پرەزيدەنتٸ ۋ. ليايەن ەو مەن تٷركييا اراسىنداعى ەرٸپتەستٸكتٸ قالپىنا كەلتٸرۋ – بۇل ەلٸ دە «جولدىڭ باسى» ەكەنٸن اتاپ ٶتتٸ.
«الداعى اپتالار مەن ايلار وسى جولمەن قانشالىقتى الىسقا بارا الاتىنىمىزدى كٶرسەتەدٸ», - دەدٸ ليايەن.
ساپار بارىسىندا ەۋروپالىق دەلەگاتسييا تٷرٸك باسشىلىعىنا ەكونوميكالىق بايلانىستاردى نىعايتۋدى, قارىم-قاتىناستى جاقسارتۋ ٷشٸن ٶزارا ٸس-قيمىلدى جاقسارتۋدى جەنە بٸرلەسكەن كٶشٸ-قون ساياساتىن قاراستىرۋدى ۇسىندى.
