بەلارۋس بيلٸگٸ فرانتسييا ەلشٸسٸ نيكوليا دە لاكوستتى شىعارىپ جٸبەردٸ. بۇعان ەۋروپا وداعىنىڭ بەلارۋس پرەزيدەنتٸ الەكساندر لۋكاشەنكو حالىقتى قۋعىن-سٷرگٸنگە ۇشىراتتى دەپ سىناۋى تٷرتكٸ بولعان.
بىلتىر عانا قىزمەتٸنە كٸرٸسكەن نيكوليا دە لاكوست بەلارۋس سىرتقى ٸستەر مينيسترلٸگٸنٸڭ تالابىمەن 17 قازاندا ەلدەن شىعىپ كەتكەنٸن بەلارۋستەگٸ فرانتسييا ەلشٸلٸگٸ راستادى, دەپ حابارلايدى ازاتتىق.
2020 جىلى تامىزدا بەلارۋستە ٶتكەن پرەزيدەنت سايلاۋىنان كەيٸنگٸ بەيبٸت شەرۋلەر كٷشپەن باسىلىپ, قۋعىندالعان سوڭ دە لاكوست الەكساندر لۋكاشەنكومەن بايلانىسۋدى دوعارعان.
كەيٸنگٸ 14 ايدا بەلارۋس پوليتسيياسى مىڭداعان ادامدى تٷرمەگە قاماپ, لۋكاشەنكو بيلٸگٸمەن كەلٸسپەيتٸن جٷزدەگەن ادامدى ازاپتاعان سوڭ ەۋروپا وداعى قاتاڭ سانكتسييالار سالعان.
فرانتسييا ەلشٸلٸگٸ دٷيسەنبٸدە نيكوليا دە لاكوست بەلارۋس حالقىمەن قوشتاسۋ حاتىن جارييالايتىنىن حابارلادى.
