فۋتبولدان يتالييا قۇراماسى ەۋروپا 2020 چەمپيوناتىنىڭ شيرەك فينالىنا شىقتى, - دەپ حابارلايدى Tengrinews.kz تٸلشٸسٸ Vesti.kz پورتالىنا سٸلتەمە جاساپ.
لوندونداعى (انگلييا) "ۋەمبلي" ستاديونىندا ٶتكەن چەمپيوناتتىڭ 1/8 فينالىندا روبەرتو مانچينيدٸڭ شەكٸرتتەرٸ اۋسترييا كومانداسىمەن كەزدەستٸ. ويىننىڭ نەگٸزگٸ ۋاقىتى تەڭ اياقتالدى - 0:0.
دەگەنمەن گول بولدى, 65-مينۋتتا ماركو ارناۋتوۆيچ يتالييالىقتاردىڭ قاقپاسىنا دوپ كٸرگٸزدٸ, الايدا ول وفسايد بولعاندىقتان سانالمادى.
76-مينۋتتا باس تٶرەشٸ ەنتوني تەيلور تاعى دا بەينەاسسيستەنتكە جٷگٸنٸپ, يتالييا قاقپاسىنا پەنالتي تاعايىندامادى.
قوسىمشا ۋاقىتتا 95-مينۋتتا فەدەريكو كەزا يتالييالىقتاردى العا شىعاردى. ون مينۋتتان كەيٸن ماتتەو پەسسينا ەكٸنشٸ گول سوقتى.
EURO-2020 جارتىلاي فينالىنا شىعۋ ٷشٸن يتالييا قۇراماسى بەلگييا - پورتۋگالييا جۇبىنىڭ جەڭٸمپازىمەن وينايدى.
بۇعان دەيٸن 1/4 فينالىنا دانييا قۇراماسى ٶتكەن بولاتىن, ول چەحييا - نيدەرلاندى ماتچٸنٸڭ جەڭٸمپازىمەن وينايدى.
