«ەۆوليۋتسييانىڭ 15 جىلى: قۇبىلمالى دٷنيە جەنە بٸزگە ٶزگەرٸس ەكەلگەن ەلەم» دەگەن تاقىرىپتا ەۋرازييا مەديا فورۋمى باستالدى, دەپ حابارلايدى فورۋمنىڭ باسپاسٶز ورتالىعى.
فورۋمنىڭ العاشقى كٷنٸ ساعات 9:00-19:00-گە دەيٸن 7 اۆتورلىق شەبەرلٸك دەرٸستەرٸ جوسپارلانۋدا.
شارانىڭ العاشقى شەبەرلٸك دەرٸسٸن «#Hashtag our stories» كومپانيياسىنىڭ نەگٸزٸن قالاۋشى يۋسۋف ومار باستادى. دەرٸس تاقىرىبى: «موبيلدٸ جۋرناليستيكادان ەلەۋمەتتٸك ۆيرتۋالدى شىندىققا دەيٸن». ول جاڭا تەندەنتسييالار, توقسان توعىز تاراپتان شىنايى مەلٸمەتتٸ تەرٸپ, ەپ-سەتتە ەلەمنٸڭ كەز-كەلگەن تٷكپٸرٸنەن اقپارات الۋ مەن تاراتۋ مٷمكٸندٸگٸ تۋرالى باياندادى.
يۋ.وماردىڭ شەبەرلٸك دەرٸسٸنە جينالعانداردىڭ دەنٸ كٶپ بولدى. سونداي-اق, ول «زامانۋي مۋلتيمەديا» تۋرالى بٸلگەنٸمەن بٶلٸسٸپ, قاتىسۋشىلار سۇراقتارىنا جاۋاپ بەردٸ.
«جەتٸ ميلليارد ادام قازٸرگٸ تاڭدا ٶز ۇيالى تەلەفوندارى ارقىلى جاڭالىقتار جارشىسى بولا الادى. اقپاراتتىق تەحنولوگييا دامىعان زاماندا دەستٷرلٸ باق-تىڭ اتقارار رولٸ قانداي? مەنٸڭ ويىمشا, دەستٷرلٸ باق ٶكٸلدەرٸ اناليتيكا مەن كونتەكستكە نەگٸزدەلۋ كەرەك. سونىمەن قاتار, باق ٶكٸلدەرٸ فەيك جاڭالىق پەن اقيقاتتىڭ ارا-جٸگٸن اجىراتا بٸلۋٸ تيٸس. بۇل قاعيدالار مەديانارىقتىڭ ەلەمدٸك ورنىن ساقتاپ قالۋعا قىزمەت جاسايدى», - دەدٸ ول ٶز سٶزٸندە.
سونىمەن قاتار, تەۋەلسٸز ساراپشى ساياسات نۇربەك مەكتەپ باعدارلاماسىنا اقپاراتتىق ساۋاتتىلىقتى ارتتىراتىن پەندەردٸ ەنگٸزۋدٸ ۇسىندى.
«قازٸرگٸ تاڭدا اقپاراتتى دايارلاۋ مەن ونى شىعارۋ مەرزٸمٸ قىسقارىپ كەتتٸ. بۇرىن جۋرناليستەر ٷشٸن اقپارات جيناۋ قانشاما ۋاقىت الاتىن, ولارعا رەداكتور تاپسىرما بەرەتٸن. قازٸر جارتى ساعاتتىڭ ٸشٸندە جەكە سۋبەكتيۆتٸ پٸكٸرٸ مەن ەموتسيياسىنا نەگٸزدەلگەن بلوگەردٸڭ جازعان اقپاراتىن بٸر ساعاتتىڭ ٸشٸندە مىڭداعان, ميلليونداعان ادام كٶرەدٸ دە, سول پٸكٸرگە سٷيەنەدٸ. دەستٷرلٸ باق-تىڭ ٸشكٸ ٶندٸرٸسٸنٸڭ ٶزٸ ٶزگەرٸپ جاتىر. اقپارات دايارلاۋ اقپاراتتى تەكسەرۋ, جالعان حابار دەگەن قازٸرگٸ تاڭدا ٶتە كٶپ. نەگە دەسەڭٸز ەموتسيياعا نەگٸزدەلگەن جالعان حابارعا سەنۋ دە وڭاي بولىپ كەتتٸ, سونداي-اق جاڭا تەحنولوگييالاردىڭ ارقاسىندا تەز تارالادى», - دەدٸ ساراپشى.
شارانىڭ العاشقى كٷنٸندە بۇدان ٶزگە 6 اۆتورلىق شەبەرلٸك ساباقتارى جوسپارلانىپ وتىر.
جۋرناليستەرگە تەگٸن شەبەرلٸك دەرٸستەرٸن ٶتكٸزۋ فورۋمنىڭ ەلەۋمەتتٸك سەرٸكتەسٸ - “Samruk-Kazyna Trust” ەلەۋمەتتٸك جوبالاردى دامىتۋ قورىنىڭ قولداۋىمەن جٷزەگە اسىپ وتىر.
فورۋم ٶز تاريحىندا 6000 اسا شەتەلدٸك قاتىسۋشىلاردى, ولاردىڭ قاتارىندا تانىمال جۋرناليستەر, بەلگٸلٸ ساياساتكەرلەر, مىقتى ەكونوميستەر, نوبەل سىيلىعىنىڭ لاۋرەاتتارى, قوعام قايراتكەرلەرٸ, عالىمدار مەن كەسٸپكەرلەردٸ قازاقستانعا جينادى.
بۇل رەتتە, شەتەلدٸك سپيكەرلەر قازاقستاننىڭ ەلەم الدىنداعى بەدەلٸنٸڭ كٷن ساناپ ارتىپ كەلە جاتقاندىعىن العا تارتتى.
ەسكە سالا كەتەيٸك, فورۋم بارىسىندا 300-دەن اسا شەتەلدٸك جەنە وتاندىق باق ٶكٸلدەرٸ فورۋم جاڭالىقتارىن شارتاراپقا تاراتۋدا.
