فوتو: Sputnik / تيمۋر باتىرشين
باق ٶكٸلدەرٸ جولداعان ساۋالعا الماتى قالاسى بويىنشا افم دەپارتامەنتٸ جاۋاپ بەردٸ. وندا جامالبەك باقدەۋلەت ەركٸنبەكۇلىنا قاتىستى اسا ٸرٸ مٶلشەردە ەسٸرتكٸ قۇرالدارىن — كاننابيس سىعىندىسىن زاڭسىز يەمدەنۋ جەنە ساقتاۋ فاكتٸسٸ بويىنشا تەرگەۋ جٷرگٸزٸلگەنٸ ايتىلعان.
تەرگەۋ مەلٸمەتتەرٸنە سەيكەس, 2025 جىلعى تامىز ايىندا كٷدٸكتٸ ينتەرنەت-رەسۋرستار ارقىلى شەت مەملەكەت اۋماعىندا ەسٸرتكٸ قۇرالدارىن ٶتكٸزۋمەن اينالىساتىن تۇلعالارمەن بايلانىس ورناتقان. اتالعان زاتتار تايلاند كورولدٸگٸنەن حالىقارالىق پوشتا جٶنەلتٸلٸمٸ ارقىلى جٸبەرٸلگەن. ٶزٸنٸڭ قاتىستىلىعىن جاسىرۋ ماقساتىندا ول كەسٸپكەرلٸك قىزمەت شەڭبەرٸندە بۇرىن الىنعان ٷشٸنشٸ تۇلعالاردىڭ دەربەس دەرەكتەرٸن پايدالانعان.
"2025 جىلعى قىركٷيەك ايىندا كٷدٸكتٸ «قازپوشتا» اق ارقىلى كۋرەرلٸك جەتكٸزۋدٸ رەسٸمدەپ, پوشتا جٶنەلتٸلٸمٸن الۋعا ەرەكەت جاساعان, الايدا الماتى قالاسىنداعى ساۋدا-ويىن-ساۋىق ورتالىقتارىنىڭ بٸرٸنٸڭ جانىندا جٶنەلتٸلٸمدٸ الۋ كەزٸندە دەپارتامەنت قىزمەتكەرلەرٸ تاراپىنان ۇستالدى.
وعان قاتىستى قاماۋدا ۇستاۋ تٷرٸندەگٸ بۇلتارتپاۋ شاراسى قولدانىلدى.
تەرگەۋ ەلٸ جٷرٸپ جاتىر", دەلٸنگەن حابارلامادا.
دەگەنمەن ول ادامنىڭ بۇرىنعى ەكٸمگە تۋىس ەكەنٸ ناقتى ايتىلماعان.
