قازاقستاندا ەسٸرتكٸ اينالىمى سالاسىنداعى زاڭ بۇزۋشىلىقتار ٷشٸن 35 دەرٸگەر جاۋاپكەرشٸلٸككە تارتىلدى, دەپ حابارلايدى قازاقپارات Polisia.kz سايتىنا سٸلتەمە جاساپ.
بيىلعى 29 قاراشا مەن 3 جەلتوقسان ارالىعىندا رەسپۋبليكا بويىنشا «دەرمەك» جەدەل-الدىن الۋ ٸس-شاراسىنىڭ تٶرتٸنشٸ كەزەڭٸ ٶتكٸزٸلدٸ. نەگٸزگٸ ماقساتى – ەسٸرتكٸ قۇرالدارىنىڭ, پسيحوتروپتىق زاتتار مەن پرەكۋرسورلاردىڭ زاڭدى اينالىمىنداعى بۇزۋشىلىقتاردى انىقتاۋ. ٸس-شارا بارىسىندا وسى زاتتاردى ٶز قىزمەتٸندە پايدالاناتىن 75 كەسٸپورىن مەن ۇيىم تەكسەرٸلگەن.
التى كٷن ٸشٸندە ەلٸمٸزدە قر قىلمىستىق كودەكسٸنٸڭ 303-بابى (ەسٸرتكٸ, پسيحوتروپتىق نەمەسە ۋلى زاتتارمەن جۇمىس ٸستەۋ ەرەجەلەرٸن بۇزۋ) بويىنشا 12 قىلمىس انىقتالدى.
نۇر-سۇلتان قالاسىندا, اقمولا جەنە شىعىس قازاقستان وبلىستارىندا قۇرامىندا ەسٸرتكٸ قۇرالدارى بار پرەپاراتتار اينالىمى ەرەجەلەرٸن بۇزۋعا جول بەرگەن 3 مەديتسينا قىزمەتكەرٸنە قاتىستى قىلمىستىق ٸستەر قوزعالدى.
129 ەكٸمشٸلٸك قۇقىق بۇزۋشىلىق تٸركەلدٸ:
– 5 زاڭسىز فارماتسەۆتيكالىق قىزمەتٸ ٷشٸن (قر ەقبتك 424-ب.);
– 95 فارماتسەۆتيكالىق قىزمەت ەرەجەلەرٸن بۇزعانى ٷشٸن (قر ەقبتك 426-ب. 1-ب.);
– 24 وبەكتٸنٸڭ تەحنيكالىق نىعايتۋ تالاپتارىن بۇزعانى ٷشٸن;
– 5 ليتسەنزييالاۋ نورمالارىن بۇزعانى ٷشٸن (قر ەقبتك-نٸڭ 464-ب.).
«ەكٸمشٸلٸك جاۋاپكەرشٸلٸككە 129 ادام تارتىلدى, ونىڭ ٸشٸندە 32 مەديتسينا قىزمەتكەرٸ. بارلىق ماتەريالدار دەنساۋلىق ساقتاۋ مينيسترلٸگٸ مەديتسينالىق جەنە فارماتسەۆتيكالىق باقىلاۋ كوميتەتٸنٸڭ اۋماقتىق بٶلٸمشەلەرٸنە بەرٸلدٸ. اينالىمنان 356 ەسٸرتكٸ امپۋلاسى, 5 258 تابلەتكا, 173 پسيحوتروپتىق زاتتار امپۋلاسى, 258 پرەكۋرسورلار امپۋلاسى الىندى», - دەلٸنگەن سايتتا.
اقپاراتقا سەيكەس, قۇرامىندا ەسٸرتكٸ زاتى بار مەديتسينالىق پرەپاراتتاردى «قارا نارىقتا» ساتۋ فاكتٸلەرٸ انىقتالۋدا. ياعني پسيحوبەلسەندٸ ەسەرٸ بار دەرٸحانالىق پرەپاراتتار جاسٶسپٸرٸمدەردٸڭ قىزىعۋشىلىعىن تۋدىرادى جەنە ولاردىڭ ەسٸرتكٸ تۇتىنۋىنا تٸكەلەي سەبەپشٸ بولادى.
مىسالى, الماتى وبلىسىنىڭ تۇرعىنى سينتەتيكالىق اپيىندارعا جاتاتىن 20 تابلەتكامەن ۇستالدى. اتىراۋ وبلىسىندا وسىنداي ەكٸ فاكتٸ انىقتالدى. بارلىعى 3 870 تابلەتكا جەنە اتروپين سەريياسىنىڭ 70 قۇتى تامشىلارى تەركٸلەندٸ.
وسىعان ۇقساس فاكتٸ تەمٸرتاۋ قالاسىندا انىقتالدى, وندا دٷكەندە دەرٸحانالىق پرەپاراتتىڭ 10 تابلەتكاسىن ساتقان جەرگٸلٸكتٸ تۇرعىن ۇستالدى. مۇنداي دەرٸ-دەرمەكتەر ادام ٶمٸرٸ مەن دەنساۋلىعىنا زيياندى ەسەر ەتەتٸن كٷشتٸ زاتتاردىڭ تٸزٸمٸنە ەنگٸزٸلگەن. ونى ەكەلۋ جەنە تاراتۋ جٶنٸندەگٸ باقىلاۋ فۋنكتسييالارىن دەنساۋلىق ساقتاۋ ورگاندارى جٷزەگە اسىرادى.
