بٷگٸن ٷكٸمەتتٸڭ باسپاسٶز ورتالىعىندا ٶتكەن بريفينگ بارىسىندا قر ەنەرگەتيكا ۆيتسە-مينيسترٸ سۇڭعات ەسٸمحانوۆ جىلىتۋ ماۋسىمىنا دايىندىق بارىسى تۋرالى ايتىپ بەردٸ, دەپ حابارلايدى "ۇلت اقپارات".
س. ەسٸمحانوۆ قازاقستاننىڭ بٸرىڭعاي ەلەكتر ەنەرگەتيكالىق جٷيەسٸ شتاتتىق رەجيمدە جۇمىس ٸستەپ تۇرعانىن ايتتى. وسى جىلدىڭ 19 قىركٷيەگٸندەگٸ مەلٸمەتتەرگە سەيكەس رەسپۋبليكا بويىنشا ەلەكتر ەنەرگيياسىن تۇتىنۋ 72,5 ملرد كۆتس قۇرادى, بۇل ٶتكەن جىلدىڭ دەڭگەيٸنەن 1,7%-عا ارتىق.
سونىمەن قاتار, ۆيتسە-مينيستر ەنەرگييا كەسٸپورىندارىن كٷزگٸ-قىسقى كەزەڭگە دايىنداۋ بەكٸتٸلگەن جٶندەۋ كەستەلەرٸنە سەيكەس جٷرگٸزٸلٸپ جاتقانىن اتاپ ٶتتٸ.
«اعىمداعى كٷنگە 5 ەنەرگوبلوكتا جٶندەۋ جٷرگٸزٸلدٸ, بۇل جىلدىق كٶلەمنٸڭ 45%-ىن, 40 قازاندىقتى قۇرايدى, بۇل جىلدىق كٶلەمنٸڭ 63%-ى جەنە 23 تۋربينا, بۇل جىلدىق كٶلەمنٸڭ 50%-ىن قۇرايدى. جٶندەۋدٸڭ ەرتٷرلٸ كەزەڭٸندە 4 ەنەرگييا بلوگىندا, 28 قازاندىقتا جەنە 18 تۋربينادا جۇمىستار جٷرگٸزٸلۋدە.
ەلەكتر جەلٸلەرٸ بويىنشا 21 مىڭ شاقىرىم ەلەكتر جەتكٸزۋ جەلٸلەرٸ مەن 1152 شاعىن ستانتسيياعا جٶندەۋ جۇمىستارى جٷرگٸزٸلدٸ, بۇل جىلدىق جوسپاردىڭ تيٸسٸنشە 84% جەنە 92%-ىن قۇرايدى.
الداعى جىلىتۋ ماۋسىمىنا دايىندىق ٷشٸن ورتالىقتاندىرىلعان جىلۋمەن قامتۋ ايماعىندا 459 قازاندىقتىڭ 428 قازاندىعىنا جٶندەۋ جۇمىستارى جٷرگٸزٸلدٸ, بۇل جىلدىق جوسپاردىڭ 93%-ىن قۇرايدى.», — دەدٸ س. ەسٸمحانوۆ.
سونىمەن قاتار, س. ەسٸمحانوۆتىڭ ايتۋىنشا, بٸرقاتار ٶڭٸرلەردە جٶندەۋ كەستەسٸندە بەلگٸلەنگەن مەرزٸمدەردٸڭ ساقتالماۋى جەنە ارتتا قالۋى بايقالادى.
«وسى كەستە بويىنشا جٷرمەي جاتقان بٸرنەشە مىسالدى كەلتٸرۋگە بولادى. مۇنى بٸز كەسٸپورىندارعا ەسكەرتۋ رەتٸندە ايتامىز. مەسەلەن, پاۆلودار وبلىسىندا ورنالاسقان «ەۋروازياتتىق ەنەرگەتيكالىق كورپوراتسييا» اق ەلەكتر ستانتسيياسى. بۇل ەڭ ٸرٸ مەملەكەتتٸك اۋداندىق ەلەكتر ستانتسيياسى (ماەس). مۇندا ەكٸمدٸك, اكتسيونەرلەرمەن قاتار, بٸزدٸڭ كوميتەت تە باقىلاۋ جاسايدى. بٷگٸندە ەكٸ بلوك – №5 جەنە №8 بويىنشا كەستەدەن قالىپ جۇمىس ٸستەۋدە. ولار ماۋسىم مەن تامىز ايلارىندا اياقتالۋى تيٸس ەدٸ, الايدا, ٶكٸنٸشكە وراي, تەك قازان ايىنىڭ سوڭىندا اياقتالادى. بٸردەن ايتىپ ٶتەيٸن, ماەس-تىڭ جىلۋ بەرۋگە ەشقاندايدا قاتىسى جوق, جىلىتۋ ماۋسىمى تۇرعىسىنان ەشقانداي دا پروبلەما ول ٷشٸن تۋىندامايدى. بۇل ەنەرگييا جٷيەسٸنە ەسەر ەتۋٸ مٷمكٸن بولعان سوڭ اتاپ ٶتٸپ جاتىرمىز», — دەدٸ ۆيتسە-مينيستر.
سونىمەن قاتار, س. ەسٸمحانوۆ ستانتسييالاردا وتىن دايىنداۋ تۋرالى اقپاراتتاندىردى.
«وڭتٷستٸك ٶڭٸرلەر بٸزدە گازبەن جىلىتىلادى, سوندىقتان وندا وتىن دايىنداۋدىڭ قاجەتٸ جوق, كەلٸسٸمشارتتار بار. «قازترانسگاز» جەتكٸزەدٸ, ارتىق سۇراعى جوق. كٶمٸر بويىنشا – بٸزدە كٶمٸرمەن جىلىتىلاتىن 20 ٸرٸ ەنەرگەتيكالىق كەسٸپورىن بار. قازٸرگٸ تاڭدا وسى ستانتسييالاردا 4 ملن توننا كٶمٸر بار. بيىل كەسٸپورىندار ايتارلىقتاي جاقسى جۇمىس اتقاردى. ٶتكەن جىلمەن سالىستىرعاندا 600 مىڭ توننا كٶمٸرگە ارتىق دايىندالدى», — دەپ اتاپ ٶتتٸ ۆيتسە-مينيستر.
س. ەسٸمحانوۆتىڭ ايتۋىنشا, مىناداي نورماتيۆتەر بار — كٶمٸر رازرەزدەرٸنەن ەنەرگييا كٶزدەرٸنٸڭ قويمالارىنا دەيٸنگٸ اراقاشىقتىق 10-20 تەۋلٸك بولۋى كەرەك. سونىمەن, بٷگٸندە بارلىق ستانتسييالاردىڭ كٶمٸر قورى بار. مەسەلەن, ٶسكەمەن جەو-دا كٶمٸر قورى 20 تەۋلٸككە دەيٸن بولۋى كەرەك, قازٸر كٶمٸر قورى 38 تەۋلٸككە جەتەتٸن كٶلەمدە ساقتالۋدا. از عانا كٶمٸر تۇتىنۋمەن سيپاتتالاتىن بالقاش جەو-نا 2-3 ايعا جەتەتٸن كٶمٸر جەتكٸزٸلدٸ.
ەلٸمٸزدە ورتالىقتاندىرىلعان جىلۋمەن قامتۋ جٷيەسٸمەن جۇمىس ٸستەيتٸن 460 قازاندىق بار. ولاردىڭ ٸشٸندە 428-ٸ جىلىتۋ ماۋسىمىنا دايىن. وڭتٷستٸك ٶڭٸرلەردەگٸ 30-عا جۋىق قازاندىق ٸسكە قوسۋ مەن جٶندەۋ جۇمىستارىن اياقتاپ جاتىر جەنە قازان ايىنىڭ باسىنا دەيٸن دايىن بولۋى كەرەك.
وسى جىلدىڭ 19 قىركٷيەگٸندەگٸ جاعداي بويىنشا ەنەرگييا كٶزدەرٸنٸڭ قويمالارىندا مازۋت قورى 101,9 مىڭ توننانى قۇرايدى, بۇل ٶتكەن جىلعى كٶرسەتكٸشپەن سالىستىرعاندا 24%-عا كٶپ.
ەنەرگەتيكا مينيسترلٸگٸ قوسىلعان قۇن سالىعى ەسەبٸمەن 100 مىڭ تەڭگە باعامەن 277 مىڭ توننا كٶلەمٸندە «ەلەۋمەتتٸك» مازۋت جەتكٸزۋ كەستەسٸن بەكٸتتٸ.
«جالپى العاندا, الداعى جىلۋ بەرۋ ماۋسىمىنا دايىندىق تۇراقتى رەجيمدە جٷرٸپ جاتىر», - دەپ تٷيٸندەدٸ ەنەرگەتيكا ۆيتسە-مينيسترٸ.
