نۇر-سۇلتان قالاسىندا جول جٶندەۋ جۇمىستارى باستالدى: 2020 جىلى 150 كٶشە جٶندەۋدەن ٶتەدٸ, دەپ حابارلايدى "ۇلت اقپارات" قالا ەكٸمٸنٸڭ باسپاسٶز قىزمەتٸنە سٸلتەمە جاساپ.
بيىل نۇر-سۇلتان قالاسىندا جالپى ۇزىندىعى 100 شاقىرىمدى قۇرايتىن 150 كٶشە جٶندەلەدٸ. جۇمىسشىلار جول جٶندەۋ جۇمىسىنا كٸرٸسٸپ كەتتٸ.
«بيىل 150 كٶشەنٸ جٶندەۋ جوسپارلانعان. ونىڭ ٸشٸندە 50 كٶشە قالانىڭ ورتالىق بٶلٸگٸندە – قوعامدىق كٶلٸك جٷرەتٸن ماگيسترالدى كٶشەلەر. ولاردىڭ كٶبٸ ورتاشا, كەيبٸرٸ كٷردەلٸ جٶندەۋدەن ٶتەدٸ. 150 كٶشەنٸڭ 100-ٸ تۇرعىن الاپتاردا. مىسالى, ٶندٸرٸس, كيرپيچنىي, كٶكتال, لەسوزاۆود. جول جۇمىستارى بارلىق تۇرعىن الاپتاردا جٷرگٸزٸلەتٸن بولادى. بٸز بيىل 21 نىساندا جۇمىستى جالعاستىرامىز. سونداي-اق ەسٸل ٶزەنٸ ارقىلى ٶتەتٸن كٶپٸردٸڭ قۇرىلىسىن اياقتاۋدى جوسپارلاپ وتىرمىز. جٷرگٸزٸلٸپ جاتقان جۇمىستار ەلوردانىڭ ينجەنەرلٸك جەنە جول ينفراقۇرىلىمىن جاقسارتۋعا مٷمكٸندٸك بەرەدٸ. بيىل بٸزگە «جۇمىسپەن قامتۋدىڭ جول كارتاسى» باعدارلاماسى جاقسى كٶمەكتەسۋدە», – دەدٸ قالا ەكٸمٸ التاي كٶلگٸنوۆ.
جقجك باعدارلاماسى بويىنشا جول جٶندەۋگە 12 ملرد تەڭگە بٶلٸندٸ. جۇمىستىڭ باسىم بٶلٸگٸ تۇرعىن ٷي الاپتارىندا جٷرگٸزٸلەدٸ.
سونىمەن قاتار «جۇمىسپەن قامتۋدىڭ جول كارتاسى» باعدارلاماسى بويىنشا 1,5 مىڭ جاڭا جۇمىس ورنى اشىلادى.
