الماتىدا EXPO ٸسٸ بويىنشا سوتتالعان تالعات ەرمەگيياەۆتٸڭ وتباسىنا قاتىسى بار جىلجىمايتىن مٷلٸك اۋكتسيونعا شىعارىلدى. نىساننىڭ باستاپقى باعاسى — 1,7 ميلليارد تەڭگە, دەپ حابارلايدى ult.kz.
ەلەكتروندىق ساۋدا پورتالىنا الماتى قالاسى, ماركوۆ كٶشەسٸ, 13 مەكەنجايىندا ورنالاسقان اۋدانى 781,2 شارشى مەتر عيمارات پەن 8,92 سوتىق جەر ۋچاسكەسٸ قويىلعان. بۇعان دەيٸن بۇل مٷلٸك «الماتىقۇرىلىس» ۇحك» اق يەلٸگٸندە بولعان.
نىساندى پروبلەمالىق كرەديتتەر قورى ساتىلىمعا شىعاردى. اۋكتسيون 20 قازاندا ساعات 11:00-دە باعانى تٶمەندەتۋ ەدٸسٸمەن ٶتەدٸ. ساۋداعا بٸر عانا قاتىسۋشى قاتىسسا دا, مٷلٸكتٸ ساتىپ الۋعا رۇقسات ەتٸلەدٸ.
