- قانشا وليمپياداعا بارسام دا, دەل وسىنداي سوراقىلىقتى كٶرگەن جوقپىن, - دەپ مەلٸمدەدٸ وليمپيادا ويىندارىنىڭ جەڭٸمپازى بٷگٸن ريوداعى قازاقپارات تٸلشٸسٸنە بەرگەن سۇحباتىندا.
بٷگٸن سيدنەي وليمپياداسىنىڭ چەمپيونى ەرماحان ىبىرايىموۆتى جولىقتىرىپ قالدىق. وسى مٷمكٸندٸكتٸ پايدالانىپ ەرماحان ساعيۇلىنان وليمپيادا تۋرالى پٸكٸر سۇراعان بولاتىنبىز.
- ريوعا قاشان كەلدٸڭٸز?
- ٶتٸپ بارا جاتقان تٷندە كەلدٸم.
- كٸمدەرگە جانكٷيەرلٸك ەتٸپ كەلدٸڭٸز?
- ٶزٸم بوكسشى بولعان سوڭ بىلعارى قولعاپ شەبەرلەرٸنە قولداۋ كٶرسەتۋ ازاماتتىق بورىشىم. بٸراز بوكسشىلارىمىزدىڭ فينالداعى ايقاستارىن كٶرۋگە كەلدٸم. كەشە دانييار ەلەۋسٸنوۆ فينالعا شىعىپتى. مٸنە, بٷگٸن ەدٸلبەكتٸڭ فينالعا ٶتكەنٸن ٶز كٶزٸممەن كٶرٸپ قاتتى قۋانىپ وتىرمىن. دىچكو دا جارتىلاي فينالعا ٶتتٸ. بۇل دا ٷلكەن قۋانىش.
- وسى ٷش بوكسشىنىڭ قايسىسى التىنعا لايىق دەپ ويلايسىز?
- ٷشەۋٸ دە التىن جٸگٸتتەر. ٷشەۋٸ دە التىنعا لايىق. ٷشەۋٸ دە چەمپيون بولىپ جاتسا, تاڭعالمايمىن.
- كەشەگٸ لەۆيتتٸڭ كٷمٸس جٷلدەسٸنە كٶڭٸلٸڭٸز تولا ما?
- مەن لەۆيت ايقاسقان كٷنٸ جولدا بولدىم. جەكپە-جەگٸن ٶز كٶزٸممەن كٶرە المادىم. بٸراق, كەلگەن سوڭ وسىنداعى جٸگٸتتەردەن ەستٸپ جاتىرمىن. ايقىن باسىمدىقپەن ۇتىپ تۇرعان جەڭٸستٸ قالاي باسقا بٸرەۋدٸڭ الاقانىنا سالىپ بەرە سالادى? مەن تٶرەشٸلەردٸ تٷسٸنبەدٸم. ەگەر تەڭ دەرەجەدە ٶنەر كٶرسەتسە, قارسىلاسىنا جىعىپ بەرسٸن. وندا مەنٸڭ داۋىم جوق. دەل ەندٸ بٷكٸل زال عانا ەمەس, جەر شارىنىڭ تۇرعىندارى كٶرٸپ وتىرعان ەدٸلدٸكتٸ رينگتٸڭ تٷبٸندە وتىرعان بەس تٶرەشٸ قالاي بەتتەرٸ بٷلك ەتپەي باسقا بٸرەۋدٸڭ ۋىسىنا سالىپ بەردٸ.
مەن وسىعان دەيٸن قانشاما وليمپيادا ويىندارىنا باردىم. بٸراق, دەل وسىنداي سوراقىلىقتى كٶرگەن جوقپىن. جاڭا عانا جٸگٸتتەرٸمٸزدٸڭ الدىندا قازاقتىڭ قاراتورى قىزى جاينا شەكەربەكوۆانىڭ جەكپە-جەگٸن كٶردٸم. جاينا جەڭٸلگەن جوق. مەن بوكسشى رەتٸندە, باپكەر رەتٸندە ۇستاز رەتٸندە قارىنداسىمىزدىڭ ەر سوققىسى مەن قولدانعان ايلا-تەسٸلٸن قاداعالاپ وتىردىم. قازاق قىزىنا دا تٶرەشٸلەر قييانات جاساعانى كٶرٸنٸپ تۇردى.
- باسقا باسقا ەمەس, تٶرەشٸلەردٸڭ وليمپيادا ويىندارىنداعى مۇنداي "ارام" ەرەكەتتەرٸ نەنٸ بٸلدٸرەدٸ?
- بۇل - سپورتتىڭ لاستانعانىن بٸلدٸرەدٸ. بۇل - سپورتتاعى جەمقورلىقتى بٸلدٸرەدٸ. بۇل - "سۇم" ساياساتتىڭ سپورتقا دا اۋىز سالا باستاعانىن بٸلدٸرەدٸ.
- بۇدان قۇتىلۋدىڭ جولدارى بار ما?
- ەرينە! سول قولمەن جاساعان دٷنيەنٸ وڭ قولمەن ٶزگەرتۋگە بولادى. بٸراق, ۋاقىت كەرەك, ٷلكەن رەفورما كەرەك.
- ەگەر بۇل ٷردٸس جالعاسا بەرسە نە بولادى?
- تٶرت جىلدا بٸر كەلەتٸن جارىستىڭ تٶرەسٸ اتانعان وليمپيادا ويىندارىنىڭ بەدەلٸ جويىلادى. قازٸر بٸرەۋلەر وليمپياداعا قاتىسۋدى ارمانداپ جٷرسە, كەيٸن وليمپياداعا بارۋدان باس تارتاتىن بولادى. بٷگٸن لەۆيت بٷگٸن ەدٸلەتسٸزدٸكتٸڭ قۇربانى بولدى, ەرتەڭ دە سولاي بولماسىنا كٸم كەپٸل. وسىنداي ەدٸلەتسٸزدٸكتەردەن قانشاما جاس سپورتشىلار جانىپ كەتٸپ جاتىر. جەڭٸپ تۇرعان سپورتشىدان جەڭٸستٸ تارتىپ الۋ دەگەن سٶز - ونىڭ ازاماتتىعىنا, ادامدىق قۇقىعىنا قول سۇعۋ دەگەن سٶز. سول سپورتشىنى قورلاۋ دەگەن سٶز. تەك سپورتشىنى عانا ەمەس, ول سپورتشى قاي ەلدٸكٸ بولسا, سول ەلدٸ دە قورلاۋ دەپ تٷسٸنەمٸن.
- ەڭگٸمەڭٸزگە راحمەت!
كٷنسۇلتان وتارباي
