- سيدنەي وليمپياداسىنىڭ چەمپيونى, تانىمال قازاقستاندىق مامان ەرماحان ىبرايىموۆ ريو-دە-جانەيرو وليمپياداسىنداعى قازاقستاندىق بوكسشىلاردىڭ اياق الىسىن مۇقييات باقىلاپ كەلەدٸ.
قازاقستان بوكس فەدەراتسيياسىنىڭ رەسمي ساۋالىنا بەرگەن سۇحباتىندا تانىمال سپورتشى برازيلييا وليمپياداسىنداعى قازاقستاندىق بوكسشىلاردىڭ مٷمكٸندٸكتەرٸ تۋرالى ايتىپ بەردٸ.
«بيىلعى وليمپيادادا بٸزدە ٶتە جاقسى كوماندا جاساقتالدى», - دەيدٸ ەرماحان ىبرايىموۆ. - بارلىق جٸگٸتتەر جاقسى دايىندالىپتى جەنە جالپى وسى وليمپيادادا ەدەمٸ بوكس كٶرسەتٸپ كەلەدٸ. ەرينە, بەرٸك ابدراحمانوۆقا امەريكالىق بوكسشىدان جەڭٸستٸ جۇلىپ الۋعا سەل-اق قالعان ەدٸ. بەرٸككە ٶتە مىقتى قارسىلاس كەزٸگٸپتٸ, ول - ٶتە جىلدام, تەحنيكاسى جوعارى, جەڭٸسكە قۇشتار. ابدراحمانوۆ وليمپيادادا تۇعىردان كٶرٸنەتٸن سوڭعى مٷمكٸندٸك تۋعانىن بٸلدٸ. مٷمكٸن سەنٸمدٸلٸك ازداۋ بولدى ما دەپ تە ويلايمىن. جاقىپوۆقا كەلەتٸن بولساق, بوكسشىمىز جاس ەمەس, جەڭٸلٸس سەبەبٸ دە سوندا جاتقان شىعار. بۇل سالماقتا نەگٸزٸنەن جاستار ٶنەر كٶرسەتەدٸ. حاسانبوي دۋسماتوۆ بٸرجاننىڭ جانىندا جىلدام ەرٸ سەرگەك كٶرٸندٸ».
- ابىلايحان جٷسٸپوۆتٸڭ جەڭٸلٸسٸنە قاتىستى پٸكٸرٸڭٸز قانداي?
- ول ەلٸ جاس بوكسشى, ال وليمپيادادا ٶنەر كٶرسەتۋ تٸپتەن قيىن. بۇل ويىندار - بوكسشىمىز ٷشٸن ٷلكەن مەكتەپ بولماق. وعان وسى العان قارقىنمەن العا جىلجي بەرۋ كەرەك. جالپى ماككورماكقا قارسى جەكپە-جەكتە جٷسٸپوۆ جامان جۇدىرىقتاسقان جوق. ەگەر كٷش ەلەۋەتٸن ارتتىرىپ, تىڭعىلىقتى دايىندىقپەن كەلەتٸن بولسا, كەلەسٸ وليمپيادادا مەدالعا تالاسا الادى.
- قالعان بوكسشىلارىمىز قازاقستاندىقتاردى قۋانتىپ, كەلەسٸ كەزەڭگە ٶتتٸ.
- ماعان جارتىلاي فينالعا ٶتكەن ۆاسيليي لەۆيت ۇنادى. ونىڭ «التىن» الاتىن بارلىق مٷمكٸندٸكتەرٸ بار دەپ سانايمىن. ريودا ەكٸ جەكپە-جەك ٶتكٸزگەن لەۆيتتٸڭ ٶنەرٸنە قاراپ, ونىڭ قانشالىقتى جاقسى فورمادا ەكەنٸن بايقاۋ قيىن ەمەس. كەلەسٸ كەزدەسۋدە كۋبالىق بوكسشىعا قارسى تۇرۋ اۋىر بولاتىنى انىق, بٸراق لەۆيت بۇرىنعى كەتكەن ەسەسٸن قايتارۋدى تاعاتسىزدانا كٷتٸپ وتىرعان دا بولار جەنە فينالعا شىعۋ ٷشٸن بارلىعىن ٸستەيدٸ. دانييار ەلەۋسٸنوۆ, ەدٸلبەك نييازىمبەتوۆ, جەنٸبەك ەلٸمحانۇلى, يۆان دىچكو - مەدال الاتىن جاقسى مٷمكٸندٸكتەرگە يە بوكسشىلار. بۇل جٸگٸتتەر التىن مەدال ٷشٸن قولدان كەلەر بارلىق كٷشتەرٸن سالادى.
- وليمپيادا فينالىنا بەرگٸسٸز دىچكو مەن مەدجيدوۆ اراسىنداعى جەكپە-جەككە قاتىستى نە ايتا الاسىز?
- ەكەۋٸنٸڭ ٷش جىل بۇرىنعى كەزدەسۋٸن بارلىعى بٸلەتٸن شىعار. الايدا يۆاننىڭ سول كەزدەن بەرٸ تەجٸريبەسٸ تولىستى, ٶزٸنە دەگەن سەنٸمٸ ارتتى. ەسە قايتارۋعا اسىعىپ جٷرگەن دىچكو ٶز ٸسٸن جاقسى اتقارىپ شىعاتىنىنا سەنٸمدٸمٸن. وسى جەكپە-جەكتە دىچكو جەڭەدٸ دەپ بولجاپ وتىرمىن.
