تاياۋدا "قازاقستان" رترك" اق باسقارما تٶراعاسى ەرلان قارين ٶزٸنە ارتقان سەنٸمٸ مەن ٷمٸتٸ ٷشٸن مەملەكەت باسشىسى نۇرسۇلتان نازارباەۆقا العىس ايتتى, - دەپ حابارلايدى "ۇلت اقپارات". بۇل تۋرالى ول Facebook ەلەۋمەتتٸك جەلٸسٸندەگٸ پاراقشاسىندا جازدى.
"قۇرمەتتٸ دوستار! "قازاقستان" تەلەراديوكورپوراتسيياسى - قازاق اقپارات كەڭٸستٸگٸنٸڭ قارا شاڭىراعى. بۇل جەردە قازاق رۋحانيياتىنا قىزمەت اتقارعان, ەلٸمٸزدٸڭ اقپارات سالاسىنا ەڭبەگٸ سٸڭگەن كٶپتەگەن ەيگٸلٸ تۇلعالار, قازاق جۋرناليستيكاسىنىڭ مايتالماندارى قىزمەت اتقاردى. ەلٸمٸزدەگٸ ەڭ ٸرٸ مەديا قۇرىلىمدا قىزمەت اتقارۋ - بٸرنەشە ۇرپاقتىڭ تاعدىرىنا جالعاسقان ساباقتاستىقتى كٶتەرە بٸلۋ, ەرٸ يٸسٸ قازاقتىڭ الدىندا جاۋاپكەرشٸلٸك جٷگٸن ارقالاۋمەن تەڭ. ەڭ الدىمەن, وسىنداي جاۋاپتى جۇمىستى سەنٸم ارتىپ تاپسىرعان ەلباسىعا العىس ايتقىم كەلەدٸ. قانداي قىزمەتتە بولسام دا ەلباسىنىڭ قولداۋىن, دەمەۋٸن كٶرٸپ كەلەمٸن. بۇل جولى دا مەملەكەت باسشىسىنىڭ سەنٸمٸنەن شىعۋعا تىرىسامىن", - دەپ جازدى ەرلان قارين.
سونىمەن قاتار, ول كورپوراتسييا قۇرامى ٶتە ٷلكەن ەكەنٸن, جالپى سانى 2 مىڭنان استام ادام قىزمەت ەتەتٸنٸن ەسكە سالدى. "قازاقستان" ۇلتتىق تەلەارناسى, "KAZsport" تەلەارناسى, "بالاپان" تەلەارناسى, قازاق راديوسى, "شالقار" راديوسى, "استانا" راديوسى, Class ic راديوسى سەكٸلدٸ ٶز اۋديتوريياسىن قالىپتاستىرعان, كٶرەرمەندەرٸ مەن تىڭدارماندارىنا ساپالى كونتەنت ۇسىنىپ كەلە جاتقان ٷلكەن جوبالار. ودان بٶلەك ايماقتىق ارنامىز بەن بٸرنەشە ينتەرنەت سايت جۇمىس ٸستەيدٸ", - دەپ جازدى ول.
ايتۋىنشا, تەلەراديو كەشەنٸ بۇعان دەيٸن دە جۋرناليستيكانىڭ, اعارتۋشىلىقتىڭ, ەل دامۋىنداعى بيٸك جەتٸستٸكتەردٸ كٶرەرمەن قاۋىمعا جەتكٸزۋدٸڭ بٸرەگەي قاينارى بولىپ كەلدٸ. "الدىمىزدا ۇجىمنىڭ جۇمىسىن ودان ەرٸ جەتٸلدٸرۋ, دەستٷرٸن ساقتاۋ ارقىلى زامانا كٶشٸنە ٸلەسٸپ, تالعامپاز كٶرەرمەندەردٸڭ ٷدەسٸنەن شىعۋ, بٷگٸنگٸ مەديانىڭ بارلىق تالاپتارىنا جاۋاپ بەرۋ مٸندەتٸ تۇر. قر اقپارات جەنە كوممۋنيكاتسييا مينيسترٸ دەۋرەن اباەۆ مىرزا تەلەراديوكورپوراتسييانىڭ الدىندا ناقتى جاڭا باسىمدىقتاردى ايقىندادى", - دەگەن ول جٷكتەلگەن جاڭا مٸندەتتەردٸ اتقارۋعا بار كٷشٸن سالاتىنىن ايتتى.
"ماعان سەنٸم ارتىپ, قولداۋ بٸلدٸرگەن بارشا دوستارىما, بۇعان دەيٸن قىزمەتتەس, ەرٸپتەس بولعان بارلىق جاندارعا العىس ايتامىن. قسزي ۇجىمىنا, وسى سالا بويىنشا ەرٸپتەس بولعان تۇلعالارعا ەرەكشە ريزاشىلىعىمدى بٸلدٸرەمٸن. قر پرەزيدەنتٸ جانىنداعى ستراتەگييالىق زەرتتەۋلەر ينستيتۋتىندا ەكٸ جارىم جىل ٸشٸندە ەرٸپتەستەردٸڭ تاباندىلىعى مەن كەسٸبيلٸگٸنٸڭ ارقاسىندا تابىستى جۇمىستار اتقاردىق. الداعى ۋاقىتتا دا ەرٸپتەستٸك بايلانىستا بولامىز دەگەن سەنٸمدەمٸن", - دەدٸ "قازاقستان" رترك" اق باسقارما تٶراعاسى.
ەسكە سالايىق, ەرلان قارين كەشە, 9 اقپاندا "قازاقستان" رترك" اق باسقارما تٶراعاسى قىزمەتٸنە تاعايىندالعان بولاتىن.
