ەرلان قارين گەرمانييا سىرتقى ٸستەر مينيسترلٸگٸنٸڭ ورتالىق ازييا, شىعىس ەۋروپا جەنە كاۆكاز ەلدەرٸ بويىنشا ۋەكٸلٸ ماتتياس ليۋتتەنبەرگپەن كەزدەستٸ, دەپ حابارلايدى اقوردا.
كەزدەسۋ بارىسىندا ەرلان قارين مەن ماتتياس ليۋتتەنبەرگ قازاقستان مەن گەرمانييا اراسىنداعى ەرٸپتەستٸكتٸڭ قازٸرگٸ احۋالى مەن دامۋ پەرسپەكتيۆالارىن تالقىلادى.
مەملەكەتتٸك حاتشى قازاقستان گەرمانييانى ەۋروپا مەن ەۋروپا وداعىنداعى ماڭىزدى ستراتەگييالىق ەرٸپتەسٸ سانايتىنىن, ەكٸ ەل اراسىنداعى كٶپجوسپارلى ىقپالداستىقتى ودان ەرٸ دامىتۋعا بەيٸلدٸ ەكەنٸن ايتتى.
سونىمەن قاتار, ەرلان قارين ەلٸمٸزدٸڭ ساياسي جاڭعىرۋىنا قاتىستى جوسپارلار مەن مەملەكەت باسشىسىنىڭ جاڭا ەكونوميكالىق باستامالارىن جٷزەگە اسىرۋ جايىندا مەلٸمەت بەردٸ.
ٶز كەزەگٸندە, ماتتياس ليۋتتەنبەرگ مەملەكەتتٸك حاتشىعا كەزدەسۋگە مٷمكٸندٸك جاساعانى ٷشٸن العىس ايتىپ, قازاقستان مەن گەرمانييا اراسىنداعى ساياسي, ساۋدا-ەكونوميكالىق جەنە مەدەني-گۋمانيتارلىق بايلانىستاردى ٸلگەرٸلەتۋدٸڭ ەلەۋەتٸ زور ەكەنٸن اتاپ ٶتتٸ.
