ەرەيمەن تاريحىندا ەسٸمٸ بار

ەلٸمٸزدٸڭ تۇڭعىش پرەزيدەنتٸ نۇرسۇلتان ەبٸشۇلى نازارباەۆتىڭ: «بولاشاققا باعدار: رۋحاني جاڭعىرۋ», «ۇلى دالانىڭ جەتٸ قىرى» اتتى تاريحي ماقالالارى جارىق كٶرگەننەن بەرٸ ۇمىتىلا باستاعان ەسٸمدەر, بەلگٸلٸ وقيعالار ەسكە الىنىپ, كٶپتەگەن يگٸلٸكتٸ ٸستەر اتقارىلۋ ٷستٸندە.

بيىلعى جىلدىڭ قىركٷيەك ايىنىڭ 20-21 كٷندەرٸ ەرەيمەنتاۋ اۋدانىندا «رۋحاني جاڭعىرۋ» باعدارلاماسى نەگٸزٸندە بەلگٸلٸ قوعام قايراتكەرٸ, ۇلى وتان سوعىسىنىڭ ارداگەرٸ ەكپان ٷكٸباەۆتىڭ قۇرمەتٸنە ٷلكەن يگٸ شارا ٶتكٸزٸلدٸ. ول اۋدان كٷنٸمەن استارلاسقان ەستە قالارلىق مەرەكە بولدى.

ەرەيمەنتاۋ اۋدانىنىڭ ەكٸمٸ اباي ەلجانوۆ تويدىڭ تۇساۋكەسەرٸن ۇلى وتان سوعىسىنا قاتىسۋشىلاردىڭ اتى-جٶنٸ جازىلعان مەموريالدىق تاقتانى اشۋدان باستادى.

بۇدان كەيٸن ٷمبەتەي جىراۋ اتىنداعى مەدەنيەت ٷيٸندە «دەۋٸردٸڭ دارا تۇلعاسى» اتتى سالتاناتتى جيىن ٶتٸپ, وندا اتاقتى ەل ازاماتى ەكپان ٷكٸباەۆتىڭ ٶمٸرٸ مەن ەڭبەك جولىنا ارنالعان دەرەكتٸ فيلم كٶرسەتٸلدٸ. اۋدان ٶنەرپازدارىنىڭ بۇل مەدەني شاراعا دەگەن دايىندىعىنىڭ ايرىقشا بولعانىن كٶزٸمٸز كٶردٸ. حالقىمىزدىڭ دەستٷرلٸ ٶنەرٸنە ىنتىق جاندار ٶز قۇرمەتتەرٸن سوققان شاپالاقتارىمەن بٸلدٸرٸپ وتىردى.

تٷس اۋا اتالمىش مەدەنيەت ٷيٸندە «ەرەيمەن تاريحىندا ەسٸمٸ بار» ايدارىمەن ايماقتىق اقىندار ايتىسى ٶتتٸ. وعان اقمولا, پاۆلودار, شىعىس قازاقستان, سولتٷستٸك قازاقستان وبلىستارىنان, سەمەي مەن كٶكشەتاۋ قالالارىنان سٶز تارلاندارى قاتىسىپ, ەل مەرەيٸن كٶتەردٸ. ەرەيمەننٸڭ دٷلدٸلدەرٸ دە بۇل كەزدەسۋدە ٶزدەرٸنٸڭ بٸلٸمدەرٸ مەن ٶنەرلەرٸن جان-جاقتى تانىتا الدى. دەگەنمەن, ايتىستى ەدٸل سالماقتاعان قازىلار القاسىنىڭ شەشٸمٸمەن باس جٷلدە پاۆلودار قالاسىنان كەلگەن راۋان قايداروۆتىڭ ەنشٸسٸنە تيدٸ.

ەرەيمەن جەرٸندە ٶتكەن مەرەكەلٸك شارانىڭ ەكٸنشٸ كٷنٸندە اسىل تۇقىمدى تٶرت تٷلٸكتٸڭ كٶرمەسٸ ۇيىمداستىرىلىپ, وعان جىلقى, سيىر, قوي مەن ەشكٸنٸڭ اقمولا ٶڭٸرٸندە كەزدەسپەيتٸن تۇقىمدارى شىعارىلدى. ماسايراعان كٷننٸڭ شۋاعىنا ساي تويدى قىزىقتاپ كەلۋشٸلەر ٶتە كٶپ بولدى. وعان قوسا «ٶنەر ٶرٸندەگٸ – ەرەيمەن ٶڭٸرٸ» اتتى جەرگٸلٸكتٸ سۋرەتشٸلەر مەن قولٶنەر شەبەرلەرٸنٸڭ كٶرمەسٸ ٶتتٸ.

جۇرتشىلىقتى ەڭ كٶپ قىزىقتىرعانى ات بەيگەسٸ بولدى. 20 شاقىرىمدىق «الامان بەيگەدە» بٸرٸنشٸ ورىندى قاراعاندىنىڭ شاباندوزى تەمٸرلان ماقاشەۆ جەڭٸپ السا, 2-شٸ ورىنعا ەرەيمەننٸڭ اقسۋات اۋىلىنىڭ شاباندوزى بەكتاس ەسٸمدٸ بالا, 3-شٸگە – شورتاندى اۋدانىنان كەلگەن اتبەگٸ قايىربەك ەسٸلباەۆتىڭ «پاديشاح» اتتى سەيگٷلٸگٸ ورنالاستى.

10 شاقىرىمعا بەلگٸلەنگەن «توق بەيگە» جٷلدەلەرٸن ەرەيمەنتاۋدىڭ ٶلەڭتٸ اۋىلىنان شىققان «سامۇرىق», ەكٸنشٸنٸ اقسۋاتتىڭ – «نۇراي», 3-نٸ – «باربي» اتتى تۇلپارلارى جەڭٸپ الدى.

قازاق ٶمٸرٸنەن جان-جاقتى حابار بەرەتٸن سالت-دەستٷرلەر توي بارىسىندا جارقىراي كٶرٸندٸ. قاز-قاتار تٸگٸلگەن اقشاڭقاي كيٸز ٷيلەر كەلگەن قوناقتاردى زور ىقىلاسى ەرٸ قوناقجايلىعىمەن ريزا قىلدى. لاشىن مەن بٷركٸت سيياقتى قۇستار ۇستاعان سايىپقىران جٸگٸتتەردٸڭ قاسىنا جينالعان جۇرتشىلىقتىڭ ەسەرٸ ەرەكشە بولدى.

سپورت ويىندارىنىڭ تاماشاسى بالۋانداردىڭ بوز كٸلەمدەگٸ بەلدەسۋٸنە بايلانىستى ٶتتٸ. جاس ەرەكشەلٸكتەرٸنە قاراماي كٷش سىناسقان جٸگٸتتەر از بولعان جوق. ولاردىڭ بٸردە-بٸرەۋٸ جٷلدەدەن قۇر قالمادى.

قالىڭ جانكٷيەرلەردٸڭ كٶڭٸلٸنەن شىققان ەدەمٸ شارانىڭ بٸرەگەيٸ – «جاپپاي كٶكپار» اتالدى. دالا باتىرلارىنىڭ بۇل تارتىسىنا 100-گە جۋىق بٸلەكتٸ ازاماتتار قاتىسىپ, كٶرەرمەندەرٸن كەرەمەت قۋانىشقا بٶلەدٸ.

ەرەيمەننٸڭ دەستٷرٸ, ۇيىمداستىراتىن ٸزگٸ شارالارى بٸزدٸڭ استانالىق ٶڭٸردە كٶپ كٶرٸنبەيتٸن, از قامتىلاتىن ٸس دەر ەدٸك. بۇل مەدەني جۇمىستاردى ۇيىمداستىرۋدا ەرەيمەنتاۋ اۋدانىنىڭ ەكٸمٸ اباي ەلجانوۆتىڭ, مەدەنيەت بٶلٸمٸنٸڭ جەتەكشٸسٸ سايلاۋ جىلقىباەۆتىڭ, ارداگەرلەر كەڭەسٸنٸڭ تٶراعاسى تٶلەگەن ەبديننٸڭ, قوعام جۇمىسىنىڭ بەلسەندٸلەرٸ مەناپ ەدٸرەشەۆ, قونىس ەلٸمجانوۆ, سايلاۋ بايبوسىن مەن قايىركەن بٸلەلوۆتىڭ اتقارعان ٸستەرٸ ٶلشەۋسٸز دەر ەدٸم. سالتاناتتى مەرەكەدە وسى ەلدٸڭ ارداقتى ازاماتى, ەلٸمٸزگە تانىمال تۇلعا ەكپان ٷكٸباەۆتىڭ قۇرمەتٸنە ارنايى اس بەرٸلٸپ, قۇران باعىشتالدى.

جانات تٷگەلباەۆ,
قازاقستاننىڭ قۇرمەتتٸ جۋرناليسٸ.