فوتو: istockphoto.com
بٷگٸن پالامەنتتٸڭ تٶمەنگٸ پالاتاسىندا دەپۋتات تاڭسەۋلە سەرٸكوۆ مٷگەدەك بالالاردى تەربيەلەپ وتىرعان اتا-انالارعامقاتىستى مەسەلە كٶتەرٸپ, قر پرەمەر-مينيسترٸ ولجاس بەكتەنوۆكە ساۋال جولدادى, دەپ حابارلايدى ult.kz.
"ەربٸر انا بالا دەنساۋلىعى ٷشٸن جۇمىسىن دا, باسقا شارۋاسىن دا تاستاپ تاۋ اسىپ, شوق باسۋعا دايىن. ەرەكشە قاجەتتٸلٸگٸ بار بالالار ٷشٸن كٷندەلٸكتٸ تەراپيياسى, ەم-شاراسى, گيمناستيكالىق جاتتىعۋلار, مەديتسينالىق وڭالتۋلار, باسسەين نەمەسە تاعى دا باسقا قاجەتتٸ ەم-دومدارى بار. قالادا تۇراتىندار ٷشٸن بۇنىڭ ٶزٸ اۋىر. ال اۋىلدىق جەردە تۇراتىن اتا انالار ٷشٸن بۇل ٷلكەن قيىندىق. بالا كەزٸنەن مٷگەدەكتٸگٸ بار, تٸپتٸ ٶزدٸگٸنەن تاماق تا ٸشپەيتٸن, سٶيلەي دە المايتىندارى قانشاما. تۋابٸتتٸ سال اۋرۋىنا شالدىققان بالانى اياقتان تۇعىزامىن دەپ تەك انالار عانا ماقسات قويادى. بالانىڭ تٷنٸمەن بەبەۋ قاعىپ جىلاعانى – قيىندىقتىڭ بەر جاعى عانا. تەۋلٸگٸنە بٸرنەشە رەت ەس-تۇسىنان ايرىلىپ, تالىپ قالاتىندار بار. بۇل اتا اناعا فيزيكالىق تۇرعىدان عانا ەمەس, سونىمەن قاتار پسيحولوگييالىق تۇرعىدان دا اۋىر ەكەنٸ بەلگٸلٸ", -دەيدٸ تاڭسەۋلە سەرٸكوۆ.
دەپۋتاتتىڭ سٶزٸنشە انالاردىڭ تەجٸريبەلەرٸ بولعاندىقتان باسقا بالاعا دا دۇرىس قاراپ كٷتٸم جاساي الادى. سوندىقتان پەداگوگ-اسسيستەنت, ەلەۋمەتتٸك قىزمەتكەر سيياقتى ماماندىقتارعا اتا انانىڭ بٸرەۋٸن قىسقا 2 جىلدىق مەرزٸمدە باكالاۆرياتتا وقىتۋ قاجەت.
"مٷگەدەك بالاعا ٶز اتا اناسىنان ارتىق قارايتىن ادام جوق. سول سەبەپتٸ بالانىڭ اتا اناسىن وقىتىپ, ارنايى دايىندىقتان ٶتكٸزۋ قاجەت, سول ارقىلى اتا انانىڭ كٷتۋشٸ رەتٸندە جۇمىسى دا بولادى, ەڭبەك ٶتٸلٸ دە جوعالمايدى, دۇرىس كٷتٸم بولعاندىقتان بالانىڭ دامۋى دا ارتا تٷسەدٸ", -دەيدٸ ول.
سەرٸكوۆتىڭ ويىنشا ەرەكشە بالانى تەربيەلەپ وتىرعان اتا-انانىڭ بٸرەۋٸنٸڭ زەينەتاقى قورىنا مەملەكەت تاراپىنان تۇراقتى تٷردە قارجى سالىنۋ قاجەت.
"ول انانىڭ زەينەتتەگٸ كەپٸلٸ. فيزيكالىق اۋىر فورماداعى ماماندىق يەلەرٸنە جەڭٸلدٸكتەر قاراستىرىلعان, مىسالى شاحتەر شاحتاداعى جۇمىسىنىڭ اۋىرلىعىنا بايلانىستى. ال, ەرەكشە بالانى تەربيەلەپ وتىرعان اتا انانىڭ ەڭبەگٸ جەڭٸل ەمەس. سوندىقتان وسىنداي انالاردى مٷمكٸندٸگٸنشە زەينەت جاسىنا ەرتە شىعارۋ مەسەلەسٸن دە قاراستىرۋ كەرەك", -دەپ وتىر مەجٸلٸسمەن.
دەپۋتات ولجەس بەكتەنوۆكە تٶرت تٷرلٸ ۇسىنىس جاسادى:
1. ەرەكشە بالا اتا-اناسىن ەرتە زەينەت جاسقا شىعارۋدى;
2. اتا انانىڭ بٸرەۋٸن پەداگوگ-اسسيستەنت, ەلەۋمەتتٸك قىزمەتكەر مامانىدىعىنا قىسقا مەرزٸمدە وقىتۋدى;
3. ەرەكشە بالا اتا-اناسىنىڭ بٸرەۋٸنٸڭ زەينەت قورىنا مەملەكەت تاراپىنان تۇراقتى تٷردە قارجى سالۋدى;
4. بالاعا كٷتٸم جاساعان جىلدارىن ەڭبەك ٶتٸلٸ دەپ ەسەپتەۋدٸ سۇرايمىز.
