Foto: istockphoto.com
Búgin Palamenttiń tómengi palatasynda depýtat Tańsáýle Serikov múgedek balalardy tárbielep otyrǵan ata-analarǵamqatysty másele kóterip, QR Premer-Ministri Oljas Bektenovke saýal joldady, dep habarlaidy ult.kz.
"Árbir ana bala densaýlyǵy úshin jumysyn da, basqa sharýasyn da tastap taý asyp, shoq basýǵa daiyn. Erekshe qajettiligi bar balalar úshin kúndelikti terapiiasy, em-sharasy, gimnastikalyq jattyǵýlar, meditsinalyq ońaltýlar, bassein nemese taǵy da basqa qajetti em-domdary bar. Qalada turatyndar úshin bunyń ózi aýyr. Al aýyldyq jerde turatyn ata analar úshin bul úlken qiyndyq. Bala kezinen múgedektigi bar, tipti ózdiginen tamaq ta ishpeitin, sóilei de almaityndary qanshama. Týabitti sal aýrýyna shaldyqqan balany aiaqtan tuǵyzamyn dep tek analar ǵana maqsat qoiady. Balanyń túnimen bebeý qaǵyp jylaǵany – qiyndyqtyń ber jaǵy ǵana. Táýligine birneshe ret es-tusynan airylyp, talyp qalatyndar bar. Bul ata anaǵa fizikalyq turǵydan ǵana emes, sonymen qatar psihologiialyq turǵydan da aýyr ekeni belgili", -deidi Tańsáýle Serikov.
Depýtattyń sózinshe analardyń tájiribeleri bolǵandyqtan basqa balaǵa da durys qarap kútim jasai alady. Sondyqtan pedagog-assistent, áleýmettik qyzmetker siiaqty mamandyqtarǵa ata ananyń bireýin qysqa 2 jyldyq merzimde bakalavriatta oqytý qajet.
"Múgedek balaǵa óz ata anasynan artyq qaraityn adam joq. Sol sebepti balanyń ata anasyn oqytyp, arnaiy daiyndyqtan ótkizý qajet, sol arqyly ata ananyń kútýshi retinde jumysy da bolady, eńbek ótili de joǵalmaidy, durys kútim bolǵandyqtan balanyń damýy da arta túsedi", -deidi ol.
Serikovtyń oiynsha erekshe balany tárbielep otyrǵan ata-ananyń bireýiniń zeinetaqy qoryna memleket tarapynan turaqty túrde qarjy salyný qajet.
"Ol ananyń zeinettegi kepili. Fizikalyq aýyr formadaǵy mamandyq ielerine jeńildikter qarastyrylǵan, mysaly shahter shahtadaǵy jumysynyń aýyrlyǵyna bailanysty. Al, erekshe balany tárbielep otyrǵan ata ananyń eńbegi jeńil emes. Sondyqtan osyndai analardy múmkindiginshe zeinet jasyna erte shyǵarý máselesin de qarastyrý kerek", -dep otyr májilismen.
Depýtat Oljes Bektenovke tórt túrli usynys jasady:
1. Erekshe bala ata-anasyn erte zeinet jasqa shyǵarýdy;
2. Ata ananyń bireýin pedagog-assistent, áleýmettik qyzmetker mamanydyǵyna qysqa merzimde oqytýdy;
3. Erekshe bala ata-anasynyń bireýiniń zeinet qoryna memleket tarapynan turaqty túrde qarjy salýdy;
4. Balaǵa kútim jasaǵan jyldaryn eńbek ótili dep esepteýdi suraimyz.
