تٷركييا پرەزيدەنتٸ رەدجەپ تايىپ ەردوعان رەسەي باسشىسى ۆلاديمير پۋتينگە كەشٸرٸم حاتىن جازعان كەزدە ورىس تٸلٸن قولدانعان. بۇل تۋرالى Hurriyet Daily News پورتالى ەلشٸلٸكتەگٸ سەنٸمدٸ دەرەككٶزدەرٸنە سٸلتەمە جاساي وتىرىپ حابارلادى.
باسىلىمنىڭ مەلٸمەتٸنشە, ناقتى ورىس سٶزدەرٸن پرەزيدەنتتٸڭ باسپاسٶز حاتشىسى يبراگيم كالىن ەزٸرلەگەن. ال, وعان تٸلماشتار مەن قازاقستاننىڭ تٷركيياداعى ەلشٸلٸگٸندە جۇمىس ٸستەيتٸن ديپلوماتتار كٶمەكتەسٸپتٸ. كەشٸرٸم حاتىنىڭ ٸشٸندە ورىسشا «يزۆينيتە» دەگەن سٶز بار دەپ جازادى اتالعان باق.
ەستەرٸڭٸزگە سالايىق, 27 ماۋسىم كٷنٸ كرەملدٸڭ باسپاسٶز حاتشىسى دميتريي پەسكوۆ ەردوعاننىڭ تٷرٸك ەسكەريلەرٸ اتىپ قۇلاتقان سۋ-24 ۇشاعى ٷشٸن پۋتين اتىنا كەشٸرٸم حات جولداعانىن ايتقان بولاتىن.
ەسكەري ۇشاقتى سيرييا مەن تٷركييا شەكاراسىندا تٷرٸك ەسكەريلەرٸ 2015 جىلدىڭ كٷزٸندە اتىپ تٷسٸرگەن بولاتىن. سالدارىنان بٸر ۇشقىش قازا تاۋىپ, ەكٸنشٸسٸ امان قالدى. رەسمي انكارا رەسەيلٸك ۇشاقتاردىڭ رۇقساتسىز شەكاراعا كٸرٸپ كەتكەنٸن ايتقان. الايدا, رەسەي تاراپى مۇنى مويىنداعان جوق.
