Túrkiia prezidenti Redjep Taiyp Erdoǵan Resei basshysy Vladimir Pýtinge keshirim hatyn jazǵan kezde orys tilin qoldanǵan. Bul týraly Hurriyet Daily News portaly elshiliktegi senimdi derekkózderine silteme jasai otyryp habarlady.
Basylymnyń málimetinshe, naqty orys sózderin prezidenttiń baspasóz hatshysy Ibragim Kalyn ázirlegen. Al, oǵan tilmashtar men Qazaqstannyń Túrkiiadaǵy elshiliginde jumys isteitin diplomattar kómektesipti. Keshirim hatynyń ishinde oryssha «izvinite» degen sóz bar dep jazady atalǵan BAQ.
Esterińizge salaiyq, 27 maýsym kúni Kremldiń baspasóz hatshysy Dmitrii Peskov Erdoǵannyń túrik áskerileri atyp qulatqan Sý-24 ushaǵy úshin Pýtin atyna keshirim hat joldaǵanyn aitqan bolatyn.
Áskeri ushaqty Siriia men Túrkiia shekarasynda túrik áskerileri 2015 jyldyń kúzinde atyp túsirgen bolatyn. Saldarynan bir ushqysh qaza taýyp, ekinshisi aman qaldy. Resmi Ankara reseilik ushaqtardyń ruqsatsyz shekaraǵa kirip ketkenin aitqan. Alaida, Resei tarapy muny moiyndaǵan joq.
