تٷركييا پرەزيدەنتٸ رەجەپ تاييپ ەردوعان ىستامبۇلدا بولعان تەراكتٸدەن ادامداردىڭ قايتىس بولعانىن راستادى, - دەپ حابارلايدى Anadolu اگەنتتٸگٸ.
اگەنتتٸكتٸڭ مەلٸمەتٸنشە, ەردوعان تەرروريستٸك اكت قاۋٸپسٸزدٸك قىزمەتٸندەگٸلەر مەن بەيبٸت تۇرعىندارعا قارسى ۇيىمداستىرىلعانىن ايتتى. سونىمەن قاتار, پرەزيدەنت تٷركييانىڭ تەرروريستٸك ۇيىمدارمەن ەلٸ دە كٷرەسٸپ جاتقانىن ايتتى. ەردوعان تٷركييانىڭ بۇل لاڭكەستەردٸ جاۋاپكەرشٸلٸككە تارتاتىنىن ايتىپ ٶتتٸ.
ال ريا نوۆوستي باسىلىمىنىڭ مەلٸمەتٸنشە, ەردوعان ىستامبۇلدا بولعان تەراكتٸنٸ ۇيىمداستىرۋشىلاردىڭ بارىنشا كٶپ ادامنىڭ كٶزٸن جويعىسى كەلگەنٸن ايتتى. "بٷگٸن تٷندە بٸز تاعى دا تەرروريستٸك ەرەكەتتەردٸڭ كۋەگەرٸ بولدىق. ولاردىڭ فۋتبولدان كەيٸن بٸردەن تەراكت ۇيىمداستىرۋداعى ماقساتى بارىنشا كٶپ ادامنىڭ كٶزٸن جويۋ كەرەك بولعانى تٷسٸنٸكتٸ. ٶكٸنٸشكە قاراي, تەراكتٸدەن زارداپ شەككەندەرمەن قوسا, قازا تاپقاندار دا بار", - دەپ كەلتٸرەدٸ اگەنتتٸك تٷركييا پرەزيدەنتٸنٸڭ سٶزدەرٸن.
ەسكە سالا كەتەيٸك, بٷگٸن تٷندە ىستامبۇلدا بٸردەن ەكٸ تەراكت بولىپ, قازا تاپقانداردىڭ سانى 29 ادامعا جەتكەن بولاتىن. وقيعا ورنىنداعى جەرگٸلٸكتٸ تەلەارنا مەلٸمەتٸنشە, پوليتسەيلەر وتىرعان اۆتوبۋستىڭ ماڭىندا مينالانعان كٶلٸك جارىلىپ كەتكەن. جارىلىستان زارداپ شەككەندەردٸڭ بارلىعى - پوليتسەيلەر.
