ۆيدەودان الىنعان كادر
تٷركييا پرەزيدەنتٸ رەجەپ-تايىپ ەردوعان Ulke TV جەنە 7 ارناعا سۇحبات بەرٸپ, پرەزيدەنتتٸك ھەم پارلامەنتتٸك سايلاۋالدى باعدارلاماسىن تانىستىرىپ جاتقاندا ٶزٸن جايسىز سەزٸندٸ, دەپ حابارلايدى Halyq Uni سايتى.
ەردوعاننىڭ ٶزٸ تٸكەلەي ەفيرگە 1,5 ساعاتقا كەشٸگٸپ كەلگەن. ال تٸكەلەي ەفير باستالعاندا پرەزيدەنت جۋرناليستٸڭ سۇراعىنا جاۋاپ بەرە الماي, كٸبٸرتٸكتەپ قالعان. سول كەزدە ول «قۇدايىم-اي» دەپ ٷزٸلٸس جاساۋدى سۇراعان. وسى سەتتٸ وپەراتور ۇتىمدى پايدالانىپ, كامەرانى بٸردەن جۋرناليستكە بۇرىپ, ٷزٸلٸس جاساعان.
سودان كەيٸن ەردوعان كٶرەرمەننەن كەشٸرٸپ سۇراپ, ەفيردٸ جالعاستىرۋدى ٶتٸنگەن.
"قازٸر بٸز كٶپ جۇمىس ٸستەپ جاتىرمىز. مەنٸڭ تاماعىم اۋىرىپ تۇر. سوعان قاراماستان ەفيرگە كەلدٸم. ەگەر ەفيرگە كەلمەسەم, بٸراز ادام مەنٸ دۇرىس تٷسٸنبەي قالاتىن ەدٸ. سٸزدەردەن كەشٸرٸم سۇرايمىن", – دەدٸ ول.
ەردوعان تٸكەلەي ەفيردە داۋسى قارلىعىپ تۇرسا دا, مٷمكٸندٸگٸنشە سايلاۋالدى باعدارلاماسىنا قاتىستى سۇراقتارعا جاۋاپ بەرۋگە تىرىسقان.
