تٷركييا پرەزيدەنتٸ رەجەپ تايىپ ەردوعان ەزەربايجانعا ساپارى بارىسىندا تاۋلى قاراباققا باردى. 30 جىلداي ارميانداردىڭ باقىلاۋىندا بولعان بۇل ايماق بىلتىرعى قاقتىعىستان سوڭ ەزەربايجان باقىلاۋىنا ٶتكەن ەدٸ.
ەردوعان بريۋسسەلدەگٸ ناتو سامميتٸنە قاتىسقان سوڭ فيزۋليگە كەلدٸ. بۇل - بىلتىر كٷزدەگٸ قاقتىعىس كەزٸندە ەزەربايجان ەسكەرٸ بٸرٸنشٸ بولىپ باقىلاۋعا العان اۋماق. مۇندا ەردوعاندى ەزەربايجان پرەزيدەنتٸ يلحام ەليەۆ كٷتٸپ الدى.
ودان كەيٸن ەردوعان مەن ەليەۆ تاۋلى قاراباقتاعى شۋشا قالاسىنا اتتاندى. ەليەۆ كٷزدەگٸ قاقتىعىستان سوڭ قاراباققا بٸرنەشە رەت بارعان. ال ەردوعان بۇل ايماققا العاش رەت كەلٸپ وتىر.
16 ماۋسىمدا ەكەۋٸ باكۋدە ٶتەتٸن ەۋروپا چەمپيوناتى اياسىنداعى تٷركييا-ۋەلس فۋتبول ماتچىن تاماشالايدى.
تٷركييا تاۋلى قاراباق ٷشٸن سوعىستا باكۋدٸ اشىق قولداپ, ەزەربايجاندى قارۋ-جاراقپەن قامتاماسىز ەتكەن. كٷزدەگٸ جانجال كەزٸندە تٷركييادا قۇراستىرىلعان ەسكەري دروندار شەشۋشٸ رٶل اتقارعان.
2020 جىلى كٷزدەگٸ قاقتىعىستان سوڭ تاۋلى قاراباقتىڭ باسىم بٶلٸگٸ ەزەربايجانعا قايتارىلعان. ايماق استاناسى ستەپاناكەرت پەن بٸرنەشە اۋدان ارميانداردىڭ باقىلاۋىندا قالعان. ەكٸ ايماق تٷيٸسكەن تۇسقا رەسەيدٸڭ بٸتٸمگەر ەسكەرٸ ورنالاستىرىلدى.
ەردوعان بريۋسسەلدەگٸ ناتو سامميتٸندە اقش پرەزيدەنتٸ دجو بايدەنمەن جولىقتى. كەزدەسۋدەن سوڭ ەكەۋٸ ۆاشينگتون مەن انكارا اراسىندا شەشٸلمەگەن مەسەلە جوق دەپ مەلٸمدەدٸ.
