اقش قارۋلى كٷشتەرٸنٸڭ ورتالىق باسشىلىعى جەتەكشٸسٸ گەنەرال دجوزەف ۆوتەلدٸڭ تٷركيياداعى سەتسٸزدٸككە ۇشىراعان تٶڭكەرٸس ەرەكەتٸنە ەش قاتىسى جوق. بۇل تۋرالى اقش ارميياسىنىڭ مەلٸمدەمەسٸندە ايتىلعان.
جۇما كٷنٸ ەردوعان تٷركييادا 15 شٸلدەدەگٸ مەملەكەتتٸك تٶڭكەرٸس جاساۋ ەرەكەتٸن ايىپتاۋدا اقش باتىل ۇستانىم تانىتاي وتىر دەپ مەلٸمدەگەن. ەردوعان تٷرٸك ارميياسى قاتارىن «تازارتۋ» شارالارى ٷشٸن ٶز اتىنا سىن ايتقان اقش گەنەرالى ۆوتەلدٸ «بٷلٸكشٸلەرگە بٷيرەگٸ بۇرادى» دەپ ايىپتاعان.
سونىمەن بٸرگە ەردوعان «تٶڭكەرٸس ەرەكەتٸنٸڭ نەگٸزگٸ ۇيىمداستىرۋشى اقش-تا وتىر» دەپ مەلٸمدەگەن.
انكارا قازٸر اقش-تا تۇرىپ جاتقان دٸني قايراتكەر فەتحۋللا گٷلەندٸ تٷركييادا 15 شٸلدەدە مەملەكەتتٸك تٶڭكەرٸس جاساماق بولدى دەپ ايىپتايدى. 75 جاستاعى گٷلەن بٷلٸككە قاتىسى جوعىن مەلٸمدەپ, ەلگٸندەي ايىپتاۋلاردى جوققا شىعارعان. 19 شٸلدەدە تٷركييا گٷلەندٸ ەكستراديتسييالاۋدى سۇراپ, اقش-قا تيٸستٸ قۇجاتتار جولداعان.
بۇٸن دەيٸن اقش مەملەكەتتٸك حاتشىسى دجون كەرري تٷركييا ەڭ ەۋەلٸ گٷلەننٸڭ مەملەكەتتٸك تٶڭكەرٸس ەرەكەتٸنە كٸنەلٸ ەكەنٸن دەلەلدەۋٸ تيٸس دەپ مەلٸمدەگەن.
