AQSh qarýly kúshteriniń ortalyq basshylyǵy jetekshisi general Djozef Voteldiń Túrkiiadaǵy sátsizdikke ushyraǵan tóńkeris áreketine esh qatysy joq. Bul týraly AQSh armiiasynyń málimdemesinde aitylǵan.
Juma kúni Erdoǵan Túrkiiada 15 shildedegi memlekettik tóńkeris jasaý áreketin aiyptaýda AQSh batyl ustanym tanytai otyr dep málimdegen. Erdoǵan túrik armiiasy qataryn «tazartý» sharalary úshin óz atyna syn aitqan AQSh generaly Voteldi «búlikshilerge búiregi burady» dep aiyptaǵan.
Sonymen birge Erdoǵan «tóńkeris áreketiniń negizgi uiymdastyrýshy AQSh-ta otyr» dep málimdegen.
Ankara qazir AQSh-ta turyp jatqan dini qairatker Fethýlla Gúlendi Túrkiiada 15 shildede memlekettik tóńkeris jasamaq boldy dep aiyptaidy. 75 jastaǵy Gúlen búlikke qatysy joǵyn málimdep, álgindei aiyptaýlardy joqqa shyǵarǵan. 19 shildede Túrkiia Gúlendi ekstraditsiialaýdy surap, AQSh-qa tiisti qujattar joldaǵan.
Buin deiin AQSh memlekettik hatshysy Djon Kerri Túrkiia eń áýeli Gúlenniń memlekettik tóńkeris áreketine kináli ekenin dáleldeýi tiis dep málimdegen.
