پرەمەر-مينيستردٸڭ ورىنباسارى ەرالى توعجانوۆ 2020 جىلى كوروناۆيرۋستىڭ تارالۋى جاعدايىندا ۇستازدار مەن دەرٸگەرلەردٸڭ ەرەن ەڭبەگٸن اتاپ ٶتتٸ, دەپ حابارلايدى "ۇلت اقپارات".
«ٶتكەن جىل وڭاي بولمادى. قوعامنىڭ سانا-سەزٸمٸندە بىلتىر ٷلكەن ٶزگەرٸستەر بولدى دەسەم ارتىق ەمەس دەپ ويلايمىن. ۇستازدارىمىزدىڭ ورنى ەرەكشە ەكەنٸن بٷكٸل ەل قايتادان قاراپ, تٷسٸندٸ. قيىن كەزەڭدەردە بٸزدٸڭ ۇستازدارىمىزدىڭ ناقتى جاساعان ەرەن ەڭبەگٸن بارشا حالىق بٸلەدٸ», - دەدٸ ە. توعجانوۆ قر اقپارات جەنە قوعامدىق دامۋ مينيسترلٸگٸنٸڭ كەڭەيتٸلگەن القا مەجٸلٸسٸندە.
سونىمەن قاتار ول دەرٸگەرلەردٸڭ ماڭىزدى قىزمەتٸنە ەرەكشە توقتالىپ ٶتتٸ. قيىن كەزەڭدە كٶپتەگەن ازاماتتاردىڭ تٸكەلەي اتسالىسقانىنىڭ ارقاسىندا اۋقىمدى ٸستەر اتقارىلدى.
«پرەزيدەنت قاسىم-جوسمارت كەمەلۇلىنىڭ تٸكەلەي تاپسىرمالارى ارقاسىندا, سونداي-اق قابىلدانعان شەشٸمدەرگە وراي جالپى جاعدايدى باقىلاۋدا ۇستاۋعا تولىقتاي مٷمكٸن بولدى. ەسٸرەسە, بىلتىر جاز ايلارىندا بٸراز قيىندىقتى بٸرگە ٶتكەردٸك. اتاپ ايتقاندا تۇتاس ەل بولىپ شەشٸم قابىلداعان قادامداردى جٷزەگە اسىرعان جەردە عانا ناقتى نەتيجە بولادى. قۇدايعا شٷكٸر, جاعداي قالىپتى ەرٸ تۇراقتى قاداعالاۋ دەڭگەيٸندە دەپ ايتسام, ارتىق ەمەس. ونى ٶزدەرٸڭٸز دە كٶرٸپ وتىرسىزدار. دٷنيەجٷزٸندە جاعداي قالاي بولىپ جاتقانىن بٸلەسٸزدەر», - دەدٸ ەرالى توعجانوۆ.
