قىرعىزستاننىڭ وش قالاسىندا تٶرت بالانىڭ اناسى زارنيگور زاكيروۆانىڭ وقيعاسى قوعامدا ٷلكەن رەزونانس تۋدىردى, دەپ حابارلايدى ult.kz.
ەيەلدٸڭ ايتۋىنشا, كٷيەۋٸ ونىڭ بەتٸنە قايناپ تۇرعان شەربات (توساپ شەرباتى) شاشىپ, اۋىر كٷيٸك جاراقاتىن سالعان. زارداپ شەگۋشٸ مۇنىڭ سەبەبٸ كٷيەۋٸنٸڭ ەكٸنشٸ ەيەل الماق بولعانى جەنە وسىعان بايلانىستى تۋىنداعان وتباسىلىق جانجال ەكەنٸن مەلٸمدەدٸ.
وقيعا 2026 جىلدىڭ 9 ناۋرىزىندا بولعان. زارنيگور زاكيروۆانىڭ سٶزٸنشە, قىزدارى پوپكورنعا ارنالعان شەربات قايناتىپ جاتقان. كٷيەۋٸ قايناپ تۇرعان شەرباتتى ٷلكەن وجاۋعا قۇيىپ, قايتا قىزدىرعاننان كەيٸن ەيەلٸنٸڭ بەتٸنە ەكٸ رەت شاشقان. سالدارىنان ول بەتٸ مەن دەنەسٸنٸڭ بٸرنەشە جەرٸنەن اۋىر كٷيٸك الىپ, 27 كٷن اۋرۋحانادا ەمدەلگەن.
جەبٸرلەنۋشٸ كٷيەۋٸنٸڭ شابۋىلدان كەيٸن ٶزبەكستانعا قاشىپ كەتكەنٸن ايتادى. وش قالالىق ميليتسيياسى كٷدٸكتٸنٸڭ 2 ماۋسىمدا ۇستالعانىن حابارلادى. تەرگەۋ مەلٸمەتٸنشە, وعان قىرعىزستان قىلمىستىق كودەكسٸنٸڭ «وتباسىلىق زورلىق-زومبىلىق» بابى بويىنشا ٸس قوزعالعان. سوت كٷدٸكتٸنٸ بٸر ايعا قاماۋعا الۋ تۋرالى شەشٸم شىعارعان.
زارنيگور زاكيروۆا باستاپقىدا كٷيەۋٸن كەشٸرۋگە دايىن ەكەنٸن, الايدا ول ورتاق ٷيدٸ ٶزٸنە نەمەسە تٶرت بالاسىنىڭ اتىنا رەسٸمدەپ بەرۋٸ تيٸس ەكەنٸن مەلٸمدەگەن. ەيەلدٸڭ ايتۋىنشا, باستى ماقساتى – بالالارىن باسپاناسىز قالدىرماۋ. سونىمەن قاتار ول كٷيەۋٸنٸڭ تۋىستارى تاراپىنان قىسىم مەن قورقىتۋ بولعانىن دا جەتكٸزدٸ.
بۇل وقيعا قىرعىزستاندا تۇرمىستىق زورلىق-زومبىلىق مەسەلەسٸن قايتادان كٷن تەرتٸبٸنە شىعارىپ, ەلەۋمەتتٸك جەلٸلەردە كەڭٸنەن تالقىلانىپ جاتىر. قوعام بەلسەندٸلەرٸ مەن قۇقىق قورعاۋشىلار ٸستٸڭ ەدٸل تەرگەلۋٸن تالاپ ەتۋدە.
