اقش-تىڭ لۋيزيانا شتاتىنداعى شريۆپورت قالاسىندا 19 سەۋٸردە قايعىلى وقيعا بولدى. پوليتسييانىڭ مەلٸمەتٸنشە, 31 جاستاعى شامار ەلكينس سەگٸز بالانى اتىپ ٶلتٸرگەن. قازا بولعانداردىڭ جەتەۋٸ ونىڭ ٶز بالالارى, ال سەگٸزٸنشٸسٸ – تۋىسىنىڭ بالاسى بولعان. بالالاردىڭ جاسى 3 پەن 11 ارالىعىندا, دەپ حابارلايدى ult.kz.
پوليتسييا وقيعانى تۇرمىستىق جانجالدان تۋىنداعانىن حابارلادى. الدىن الا مەلٸمەت بويىنشا, كٷدٸكتٸ الدىمەن ەيەلدەردٸڭ بٸرٸنە وق اتقان, كەيٸن جاقىن ماڭداعى ٷيگە بارىپ, بالالاردى اتقان. ەكٸ ەيەل دە جارالانىپ, اۋرۋحاناعا جەتكٸزٸلگەن. وقيعادان كەيٸن كٷدٸكتٸ كٶلٸك ۇرلاپ, قاشقان. پوليتسييا ونى قۋىپ جەتٸپ, اتىس كەزٸندە كٷدٸكتٸ قازا تاپقان.
شريۆپورت پوليتسيياسى بۇل قىلمىستىڭ وتباسىلىق جانجالدان ٶربٸگەنٸن مەلٸمدەدٸ. قازٸر وقيعانىڭ ناقتى سەبەپتەرٸ مەن بارلىق مەن-جايى تەرگەلٸپ جاتىر.
