فوتو: businessinsider.com
5 قىركٷيەكتە ەۋروپالىق كوميسسييا Google كومپانيياسىن جارناما الماسۋ قۇرالى AdX ارقىلى نارىقتاعى ٷستەمدٸگٸن تەرٸس پايدالانعانى ٷشٸن 2,95 ملرد ەۋرو ايىپپۇل تٶلەۋگە مٸندەتتەدٸ. بۇل تۋرالى Euronews حابارلادى.
ەۋروكوميسسييانىڭ مەلٸمەتٸنشە, Google باسپاگەرلەرگە ارنالعان جارناما سەرۆەرٸن جەنە جارنامانى ساتىپ الۋ قۇرالدارىن پايدالانۋ ارقىلى نارىقتاعى بەسەكەلەستٸكتٸ شەكتەگەن.
— ەندٸ Google مٷددەلەر قاقتىعىسىن جويۋ ٷشٸن ماڭىزدى شارالار ۇسىنۋى تيٸس. ەگەر كومپانييا مۇنى جاساماسا, بٸز قاتاڭ شارالاردى قولدانامىز. تسيفرلىق نارىقتار ادامدارعا قىزمەت ەتۋگە ارنالعان جەنە سەنٸم مەن ەدٸلدٸك قاعيداتىنا نەگٸزدەلۋٸ تيٸس, — دەلٸنگەن بەسەكەلەستٸك مەسەلەلەرٸ جٶنٸندەگٸ ەۋروكوميسسار تەرەسا ريبەرانىڭ مەلٸمدەمەسٸندە.
Google-عا بەسەكەلەستٸككە قارسى دەپ تانىلعان تەجٸريبەنٸ توقتاتۋعا 60 كٷن ۋاقىت بەرٸلدٸ.
ايتا كەتەيٸك, ەۋروپالىق كوميسسييا Google-عا قاتىستى ونلاين-جارناما تەحنولوگييالارى سەكتورىنداعى رەسمي تەرگەۋدٸ 2021 جىلعى ماۋسىمدا باستاعان.
كومپانييا ۆيتسە-پرەزيدەنتٸ لي-ەنن مالحوللاند ايىپپۇلدى «نەگٸزسٸز» دەپ اتاپ, تالاپ ەتٸلگەن ٶزگەرٸستەر «مىڭداعان ەۋروپالىق كەسٸپورىندارعا زييانىن تيگٸزٸپ, ولاردىڭ تابىس تابۋىن قيىنداتاتىنىن» ايتتى.
Google جۇما كٷنٸ ەۋروكوميسسييا شەشٸمٸنە شاعىم تٷسٸرەتٸنٸن مەلٸمدەدٸ.
Euronews اتاپ ٶتكەندەي, شەشٸم اقش پەن ەو اراسىنداعى شيەلەنٸس اياسىندا قابىلداندى. بۇعان دەيٸن اقش پرەزيدەنتٸ دونالد ترامپ ەۋروپالىق تاراپتى امەريكالىق IT-كومپانييالاردى قۋدالاسا, كەدەندٸك باج ەنگٸزۋمەن قايتادان سەس كٶرسەتكەن بولاتىن.
جاقىندا فرانتسييا دا Google مەن Shein كومپانييالارىنا رەكوردتىق كٶلەمدە ايىپپۇل سالدى.
